Անկարայում Լիբանանի դեսպանը կանչվել է Թուրքիայի ԱԳՆ

Քաղաքական11:42, 06 Սեպտեմբեր 2019

Անկարայում Լիբանանի դեսպանը կանչվել է Թուրքիայի ԱԳՆ

Թուրքիայում Լիբանանի արտակարգ և լիազոր դեսպան Գասսան Մուալլիմը հրավիրվել է Թուրքիայի արտգործնախարարություն՝ նախօրեին Բեյրութում Թուրքիայի դեսպանատան դարպասից կախած պաստառի կապակցությամբ։

Բեյրութում Թուրքիայի դեսպանատան դարպասին փակցվել էր Թուրքիայի դրոշը՝ վրան պատկերված գանգ՝ հետևյալ գրությամբ. «Դուք ձեր տեղը նստեք»:

Թուրքական կողմը Լիբանանի դեսպանին մտահոգություն է հայտնել այդ միջադեպի կապակցությամբ՝ նշելով, որ միայն այն փաստը, որ դրոշ կախողները կարողացել են մոտենալ դեսպանատան դարպասին, արդեն իսկ մտահոգիչ է դեսպանատան անվտանգության տեսանկյունից:

Պահանջվել է, որ Լիբանանի պատկան մարմիններն անհապաղ ձեռնարկեն համապատասխան անվտանգության միջոցներ Լիբանանում Թուրքիայի ներկայացուցչություններն անվտանգ պահելու հարցում:

Նշվում է, որ Թուրքիայի դեսպանատունը նույնպես դիմել է Լիբանանի համապատասխան գերատեսչությունների իրենց ներկայացուցչությունների անվտանգության ապահովման խնդրով:

Աղբյուր` CNNTurk

Այս ենթաբաժնի վերջին նորությունները

17:01, 14 հոկտ

Թուրքիային աջակցող «Սիրիայի ազգային բանակ» խմբավորումը հայտարարություն է արել

Խմբավորման հրամանատարներից Յուսուֆ Աբբուդը հայտարարել է. թե իբր իրենք տարբերություն չեն դնում հայի, քրիստոնյայի, արաբի, թուրքմենի ու քրդի միջև:

16:24, 14 հոկտ

Դոնալդ Թրամփ. «Խիստ պատժամիջոցներ են սպասվում Թուրքիային»

ԱՄՆ նախագահը Twitter-ում գրառում է արել Սիրիայում վերջին զարգացումների և Թուրքիայի դեմ պատժամիջոցներ սահմանելու թեմայի մասին:

11:53, 14 հոկտ

ԵՄ խոսնակ. «Եթե սիրիացի փախստականները չմնան Թուրքիայում, ապա ԵՄ-ն կդադարեցնի ֆինանսավորումը»

Մայա Կոսիյանչիչը հայտարարել է, որ «փախստականների համաձայնագրի» համատեքստում Թուրքիային տրամադրվող նյութական աջակցությունը սիրիացի փախստականներին երկրում պահելու համար է: