«Թուրքիայի վրա Իրա՞քն է հարձակվելու, Իրա՞նը, թե Ռուսաստա՞նը». քեմալական կուսակցության առաջնորդ

Տարածաշրջան10:31, 04 Սեպտեմբեր 2019

«Թուրքիայի վրա Իրա՞քն է հարձակվելու, Իրա՞նը, թե Ռուսաստա՞նը». քեմալական կուսակցության առաջնորդ

Թուրքիայի գլխավոր ընդդիմադիր ուժը համարվող քեմալական «Ժողովրդահանրապետական կուսակցության» (ԺՀԿ-CHP) ղեկավար Քեմալ Քըլըչդարօղլուն քննադատել է իշխանություններին ռուսական «S-400» զենիթահրթիռային ՀՕՊ համակարգերը գնելու համար։

Լրագրողների այն հարցին, թե արդյոք Թուրքիան Ռուսաստանից գնած S-400-ները ետ կվերադարձնի՝ հաշվի առնելով ԱՄՆ-ի կողմից գործադրվող ճնշմանը, ընդդիմադիր գործիչը պատասխանել է:

«Գնեցին, բայց թե ինչո՞ւ գնեցին, ոչ մեկ չգիտի։ Ո՞վ է մեր դեմ հարձակվելու: Սիրիայում «S-200» կա ռուս զինվորների գլխավորությամբ։ Սիրիայի ՀՕՊ համակարգերը Մերձավոր Արևելքում ամենաուժեղն են։ Դա բոլորը գիտեն։ Թուրքիայի վրա Իրա՞քն է հարձակվելու, Իրա՞նը, թե Ռուսաստա՞նը։ Մենք Հունաստանի հե՞տ ենք բախվելու, ինչ է։ Հունաստանը ՆԱՏՕ-ում է»։

Հիշեցնենք, որ Ռուսաստանը Թուրքիային S-400-ի մասերի երկրորդ խմբաքանակն է ուղարկել։ ԱՄՆ-ն արդեն հասցրել է պատժամիջոց կիրառել՝ կասեցնելով Թուրքիայի մասնակցությունն ամերիկյան F-35 կործանիչների ծրագրում։

Աղբյուր` Gunes.com

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։