Թուրքիայի տնտեսությունը 2019-ի առաջին կիսամյակը 1.5% անկման ցուցանիշով է փակել

Տնտեսական11:34, 03 Սեպտեմբեր 2019

Թուրքիայի տնտեսությունը 2019-ի առաջին կիսամյակը 1.5% անկման ցուցանիշով է փակել

Թուրքիայի վիճակագրական ծառայության հրապարակած տվյալներից պարզ է դարձել, որ երկրի տնտեսությունը տարվա առաջին կիսամյակի համար 1.5% անկում է գրանցել:

Ըստ հրապարակված վիճակագրության՝ երկրի տնտեսությունը վերջին 4 եռամսյակներում տարեկան կտրվածքով շարունակաբար անկում է գրանցում: Ամենամեծ անկումը (տարեկան կտրվածքով) գրանցվել է 2018-ի վերջին եռամսյակում՝ 2,8%: 2018-ի վերջին 2 եռամսյակներում գրանցված անկումների հետևանքով տնտեսությունը ռեցեսիայի մեջ է հայտնվել: 2019-ի առաջին երեք ամիսներին (տարեկան կտրվածքով) անկման ցուցանիշը նվազել էր՝ կազմելով 2.4%: Դրանից հետո տնտեսությունը որոշակի կայունության նշաններ է ցույց տվել ու կարողացել է դուրս գալ ռեցեսիայից:

Չնայած այն հանգամանքին, որ 2019-ի 2-րդ եռամսյակում տնտեսությունը 1-ին եռամսյակի համեմատ 1.2 % աճ է արձանագրել՝ այնուամենայնիվ տարեկան կտրվածքով տնտեսությունը 1.5 %-անոց անկում է ցույց տվել:

Նշենք, որ ավելի վաղ «Reuters»-ի մասնագետների կատարած ուսումնասիրության մեջ Թուրքիայի վերաբերյալ հատվածում երկրի տնտեսության համար 2019-ի 2-րդ եռամսյակում 2 % անկում էր կանխատեսվել:

Կանխատեսվածից ավելի լավ արդյունքները, սակայն, շատ տնտեսագետների կարծիքով բավարար չեն և Թուրքիայի տնտեսությունը հաջորդ եռամսյակում (տարեկան կտրվածքով) նույնպես անկում կգրանցի: Այսպիսի կանխատեսումների պաճառներից մեկն էլ մասնավոր պետական սեկտորներում ներդրումների նվազումն է՝ 22.8%: Նշվում է, որ այս նվազումը աննախադեպ է վերջին 10 տարվա ընթացքում:

Աղբյուր` BBC Turkçe

Այս ենթաբաժնի վերջին նորությունները

12:42, 25 օգոս

Թուրքիան հակամդեմպինգային միջոցներ է կիրառում Չինաստանից և ԵՄ-ից ներմուծվող ապրանքների դեմ

Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։

14:54, 22 օգոս

Թուրքիայի տրանսպորտի նախարարը նորից խոսել է «Զանգեզուրի միջանցքից»

Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։