Լիբանանում զարմացած են Թուրքիայի արտգործնախարարության արձագանքից

Տարածաշրջան17:44, 03 Սեպտեմբեր 2019

Լիբանանում զարմացած են Թուրքիայի արտգործնախարարության արձագանքից

Լիբանանի արտգործնախարարությունը զարմանքով է ընդունել Թուրքիայի արտգործնախարարության արձագանքը Լիբանանի նախագահ Միշել Նաիմ Աունի Twitter-յան գրառման վերաբերյալ։

Լիբանանի նախագահը «Մեծ Լիբանանի Հանրապետության» հիմնադրման 100-րդ տարեդարձի կապակցությամբ իր էջում գրել էր.

«Առաջին աշխարհամարտի տարիներին լիբանանցիների նկատմամբ օսմանցիների կիրառած պետական ահաբեկչությունը, հարստահարությունները, ինչպես նաև սովի մատնելու քաղաքականությունը հարյուր հազարավոր զոհերի պատճառ դարձան։ Առաջին աշխարհամարտի ավարտով և օսմանցիների պարտությամբ, ինչպես նաև ֆրանսիական ազդեցության տարածմամբ մեր պատմության մեջ սկսվեց նոր դարաշրջան»։

Ի պատասխան դրան` Թուրքիայի արտգործնախարարությունը հանդես եկավ հայտարարությամբ, որտեղ Լիբանանի նախագահի գրառումը որակվեց որպես «անպատասխանատու և օսմանյան ժամանակաշրջանի նկատմամբ կանխակալ, անհիմն հղումներով հայտարարություն»։

«Զարմանքով ընդունեցինք Թուրքիայի արտգործնախարարության արձագանքը Լիբանանի նախագահի գրառման վերաբերյալ, որն առնչվում էր Լիբանանի հիմնադրման 100-րդ տարեդարձին»,-ասվել է հայտարարության մեջ։

Հայտարարության մեջ թուրքական կողմին կոչ է արվել խնդիրներ չառաջացնել թուրք և լիբանանցի ժողովուրդների միջև։

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։