Խոշոր իսպանական ընկերությունը լքում է Թուրքիան

Տնտեսական13:47, 02 Սեպտեմբեր 2019

Խոշոր իսպանական ընկերությունը լքում է Թուրքիան

Իսպանական խոշոր «Perez y Cia Sociedad Limitada» ընկերությունը հեռանում է Թուրքիայից։ Իզմիր նահանգի Ալիաղա շրջանում գործող իսպանական ընկերությունն արդեն շուրջ 20 տարի զբաղվում էր Էգեյան ծովի բեռնանավահանգիստներից մեկում գտնվող բեռնարկղային տերմինալի ղեկավարմամբ, իսկ 2009թ․-ից՝ ողջ նավահանգստի կառավարմամբ։

«Ege Gübre Limanı» անվամբ հայտնի նավահանգստի բեռնատարողությունը կազմում է 400․000 TEU (TEU -20 ֆունտին համարժեք բեռների չափման միավոր- խմբ․)։

«Perez y Cia Sociedad Limitada»-ն նավահանգստի կառավարումը ստանձնել էր 15 տարով՝ ևս 15 տարով գործունեության ժամկետը երկարաձգելու հնարավորությամբ։ Այսինքն, փաստացիորեն կարող էր Թուրքիայում իր գործունեությունը շարունակել մինչև 2039թ․։

Հավելենք նաև, որ «Ege Gübre Limanı»-ն Թուրքիայում իսպանական ընկերության միակ գործընկերն էր։ «Perez y Cia Sociedad Limitada» իսպանական ընկերությունը հիմնվել է Անգել Բերնարդո Պերեսի կողմից՝ 1953թ․՝ Կուբայի հետ առևտուր կազմակերպելու նպատակով։

Աղբյուր` yenicaggazetesi.com.tr

Այս ենթաբաժնի վերջին նորությունները

13:31, 25 օգոս

Թուրքիայի Մանիսա և Իզմիր քաղաքները ջրի լուրջ խնդիր ունեն

Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:

12:42, 25 օգոս

Թուրքիան հակամդեմպինգային միջոցներ է կիրառում Չինաստանից և ԵՄ-ից ներմուծվող ապրանքների դեմ

Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։