Իրավական18:08, 02 Սեպտեմբեր 2019
Անկարայի դատարանը վճռել է կալանքից ազատել ընդդիմադիր գործիչ Սելահաթթին Դեմիրթաշին
Անկարայի ծանր հանցագործությունների դատարանը Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) նախկին համանախագահ Սելահաթթին Դեմիրթաշի վերաբերյալ կալանքից ազատման որոշում է կայացրել։
«Ահաբեկչական խմբավորում ղեկավարելու», «ահաբեկչական խմբավորման օգտին քարոզչություն վարելու», «հավաքների և ցույցերի մասին օրենքի խախտման», «հանրության շրջանում հրապարակայնորեն ատելություն և թշնամանք հրահրելու», «ժողովրդին օրինախախտության դրդելու», «հանցագործությունների մղելու», «հանցանքն ու հանցագործներին գովաբանելու» մեղադրանքով Դեմիրթաշի դեմ հարուցված գործով դատարանը վճռել է, որ ընդդիմադիր գործիչը կարող է ազատվել կալանքից, քանի որ նրա հարցաքննության փուլն ավարտվել է։
Կալանքից ազատ արձակման վճիռը պայմանական է, այսինքն՝ նույնիսկ ազատ արձակվելու դեպքում Դեմիրթաշը պետք է որոշակի փորձաշրջան անցներ։ Սակայն ԺԴԿ նախկին համանախագահը, այնուամենայնիվ, առայժմ կշարունակի մնալ Էդիրնեի բանտում, քանի որ ավելի վաղ մեկ այլ դատական գործով նրա դեմ կայացված վճռով դատապարտվել էր 4 տարի 8 ամիս ազատազրկման։
ԺԴԿ-ական մեկ այլ պատգամավոր Մերալ Դանըշ Բեշթաշը ուշադրություն է հրավիրել այն հանգամանքի վրա, որ Դեմիրթաշն արդեն 2 տարի 10 ամիս գտնվում է բանտում, իսկ համաձայն Թուրքիայի Վճռաբեկ դատարանի որոշումների՝ ազատազրկման ժամկետի վերջին մեկ տարին կարող է ներառվել փորձաշրջանի մեջ։ Ուստի, ըստ ընդդիմադիր պատգամավորի, Սելահաթթին Դեմիրթաշը պետք է անհապաղ ազատ արձակվի։
Այս ենթաբաժնի վերջին նորությունները
Դատավարությանը ներգրավված են մի շարք նախկին պետական պաշտոնյաներ և ուժային կառույցների ղեկավարներ:
Փետրվարի 18-ին կայացված որոշումամբ ազատ արձակվելուց հետո Օսման Քավալան անմիջապես ձերբակալվել էր մեկ այլ գործով:
Քավալան Ստամբուլի ծանր հանցագործությունների դատարանի որոշմամբ` փետրվարի 18-ին ազատ էր արձակվել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այս քայլով Թուրքիայի իշխանությունները նպատակ ունեն խթանել զբոսաշրջությունը, ինչպես նաև՝ աշխուժացնել տնտեսական և մշակութային կապերը։
Դատավարությանը ներգրավված են մի շարք նախկին պետական պաշտոնյաներ և ուժային կառույցների ղեկավարներ:
«1942թ․ մեր ընտանիքի փեսան աշխատելու նպատակով մեկնել էր Ստամբուլ և աշխատում էր մի հայ վարպետի մոտ»։
Դեպի սահմանամերձ Ռեյհանլը քաղաք շարժվող շարասյան մեջ ընդգրկված են հետևակի մարտական մեքենաներ, տանկել ու տարբեր տեսակի զենք-զինամթերք:
Հեսսենում զինված հարձակում է տեղի ունեցել երկու սրճարաններում, որոնցից մեկի սեփականատերը թուրք է։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |