Թուրքիայի էներգետիկ կախվածությունը տարեցտարի աճում է

Տնտեսական12:58, 29 Օգոստոս 2019

Թուրքիայի էներգետիկ կախվածությունը տարեցտարի աճում է

Թուրքիան ամեն կերպ փորձում է հարստացնել էներգիայի իր ներքին աղբյուրները, բայց, չնայած դրան, երկրին անհրաժեշտ էներգակիրների 77 տոկոսը (2017թ․ դրությամբ) ներկրվում է այլ երկրներից։

Եվրոպայի վիճակագրական ծառայության (Eurostat) տվյալների համաձայն՝ այս ցուցանիշով Թուրքիան 39 եվրոպական երկրների ցանկում 5-րդ տեղում է։ Առաջին 4 հորիզոնականները զբաղեցնում են Մալթան, Կիպրոսը, Լյուքսեմբուրգը և Պորտուգալիան։

Վերջին տարիներին այս ոլորտում Թուրքիայի կախվածությունը ներկրումից հետզհետե ավելի է մեծանում։ 2007թ․ երկիրը ներկրում էր անհրաժեշտ էներգիայի 74․1 տոկոսը, 2017թ․՝ 77․2 տոկոսը։ Այսինքն, վերջին 10 տարում էներգիայի ներմուծման պահանջարկը ավելացել է 4․1 տոկոսով։ Վերջին տասնամյակում այդ ցուցանիշն ամենացածրն է եղել 2009թ․՝ 70․4 տոկոս։

Նշենք նաև, որ Եվրամիության անդամ 28 երկրներում էներգիայի ներմուծման միջին ծավալը կազմում է 55 տոկոս։ Էներգետիկ կախվածությունը ներկրումից միջինից ցածր է միայն Ֆրանսիայում (49 տոկոս), Անգլիայում (35 տոկոս) և Շվեդիայում (27 տոկոս)։

Եվրոպական 39 երկրներից միայն Նորվեգիան է, որ էներգիա ներկրելու անհրաժեշտություն չունի։ Ավելին, Նորվեգիան իրեն անհրաժեշտ էներգիայի 597 տոկոսի չափով արտահանում է ապահովում։

Հավելենք, որ երկրների էներգետիկ կախվածությունը ուսումնասիրելիս որպես հիմք են ընդունվել երկրում այնպիսի էներգակիրների պաշարների առկայությունը, ինչպիսիք են նավթը, բնական գազը, ածուխը և հեղուկացված բնական գազը։

Աղբյուր` tr.euronews.com

Այս ենթաբաժնի վերջին նորությունները

13:31, 25 օգոս

Թուրքիայի Մանիսա և Իզմիր քաղաքները ջրի լուրջ խնդիր ունեն

Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:

12:42, 25 օգոս

Թուրքիան հակամդեմպինգային միջոցներ է կիրառում Չինաստանից և ԵՄ-ից ներմուծվող ապրանքների դեմ

Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։