Չավուշօղլու. «Եթե չկարողանանք գնել F-35-ները, կփնտրենք այլ տարբերակներ»

Տարածաշրջան16:47, 29 Օգոստոս 2019

Չավուշօղլու. «Եթե չկարողանանք գնել F-35-ները, կփնտրենք այլ տարբերակներ»

Էստոնիայում գտնվող Թուրքիայի արտգործնախարար Մևլութ Չավուշօղլուն խոսել է ռազմական ինքնաթիռներ գնելու հարցում Թուրքիայի այլընտրանքային տարբերակների, ինչպես նաև՝ Ղրիմի հարցի մասին։

Չավուշօղլուն նախ նշել է, որ Թուրքիան ստիպված էր ձեռք բերել S-400-ները, ապա անդրադառնալով ամերիկյան կործանիչների հարցին՝ ասել է.

«Մենք F-35-ների ծրագրում ենք։ Այս օրերին ԱՄՆ-ն որոշ խնդիրներ է ստեղծում, սակայն մենք դեռևս 9 երկրների հետ այս ծրագրի մաս ենք կազմում։ Թուրքիան արտադրում է F-35-ների որոշ մասեր։ Ցանկանում ենք այդ կործանիչները գնել և դրա համար վճարել ենք 1.4 մլրդ դոլար։ Ի վերջո, մենք ռազմական կործանիչների կարիք ունենք։ Եթե չկարողանանք գնել F-35-ները, կփնտրենք այլ տարբերակներ, սակայն մենք դա չենք նախընտրում»։

Թուրքիայի արտգործանախարարը ասուլիսի ժամանակ մեկ անգամ ևս վերահստատել է Թուրքիայի դիրքորոշումն առ այն, որ Անկարան Ղրիմի կցումը Ռուսաստանին անեքսիա (բռնակցում) է համարում։

Հիշեցնենք, որ ավելի վաղ ԱՄՆ-ը կասեցրել էր Թուրքիայի մասնակցությունը F-35-ների ծրագրում՝ ռուսական S-400 զենիթահրթիռային ՀՕՊ համակարգերը գնելու պատճառով։ Նախօրեին էլ ամերիկացի պաշտոնյաներից մեկը հայտարարել էր, որ F-35-ների ծրագրից Թուրքիային դուրս թողնելու գործընթացը կպահանջի 1 տարի։

Մյուս կողմից՝ Ռուսաստան կատարած այցի ժամանակ Թուրքիայի նախագահ Էրդողանը հետաքրքրվել էր ռուսական արտադրության ռազմական ինքնաթիռներով և դրանք գնելու ցանկություն հայտնել, ինչին Վլադիմիր Պուտինը դրական պատասխան էր տվել։

Աղբյուր` Anadolu

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։