Եվրոպաբնակ թուրքերի գրեթե կեսը արձակուրդներին մեկնում է Թուրքիա

Տնտեսական15:52, 26 Օգոստոս 2019

Եվրոպաբնակ թուրքերի գրեթե կեսը արձակուրդներին մեկնում է Թուրքիա

Եվրոպայում բնակվող յուրաքանչյուր երկու թուրքից մեկը (կամ գրեթե 47 տոկոսը) անցյալ տարի հանգստի համար նախընտրել է մեկնել Թուրքիա։ Վիճակագրության համաձայն՝ յուրքանչյուր եվրոպացի թուրք իր հանգստի ընթացքում հայրենիքում միջինում ծախսել է 1․175 եվրո։ Այդ ցուցանիշը երկու անգամ գերազանցել է Թուրքիայում հանգստացող գերմանացիների ծախսած գումարները։

Ընդհանուր առմամբ 2018թ․ Թուրքիայում իր հանգիստը կազմակերպել է Եվրոպայում հաստատված 2․8 մլն թուրք։ Նրանցից շուրջ 1․9 միլիոնը Գերմանիայում բնակվող թուրքերն են։ Եվրոպաբնակ թուրքերը նախորդ տարի Թուրքիայում անցկացրած արձակուրդի ընթացքում ծախսել են ընդհանուր 3․3 մլրդ եվրո։

Հանգստի համար Եվրոպայից Թուրքիա մեկնող թուրքերն այնտեղ անցկացնում են միջինում 24 օր։ Գերմանացի զբոսաշրջիկները Թուրքիայում միջինում 16 օր են անցկացնում։ Նրանք այդ ընթացքում ծախսում են միջինում 590 եվրո։

Նշենք, որ Եվրամիության անդամ 28 երկրների տարածքում շուրջ 5․7 մլն թուրք է բնակվում։ Նրանցից 2․4 միլիոնը ունի Թուրքիայի քաղաքացիություն։ Թուրքերը Եվրոպայում ամենից մեծ թիվ են կազմում Գերմանիայում (3 մլն 90․000), Հոլանդիայում (478․330) և Ֆրանսիայում (434․540)։

Աղբյուր` ekonomi.haber7.com

Այս ենթաբաժնի վերջին նորությունները

13:31, 25 օգոս

Թուրքիայի Մանիսա և Իզմիր քաղաքները ջրի լուրջ խնդիր ունեն

Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:

12:42, 25 օգոս

Թուրքիան հակամդեմպինգային միջոցներ է կիրառում Չինաստանից և ԵՄ-ից ներմուծվող ապրանքների դեմ

Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։