Քաղաքական12:47, 21 Օգոստոս 2019
Ստամբուլում և 3 նահանգներում բողոքի ցույցերը ճնշվել են ոստիկանության կողմից
Թուրքիայի մի շարք քաղաքներում բողոքի ցույցեր են ընթանում ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) անդամ քաղաքապետների պաշտոնանկության կապակցությամբ: Դիարբեքիր, Վան, Մարդին նահանգներում և Ստամբուլում կազմակերպված ցույցերին միջամտել են ոստիկանները, կան ձերբակալվածներ և վիրավորներ։
Ստամբուլի Քադըքյոյ շրջանում կազմակերպված ցույցերի ժամանակ անվտանգության ուժերի հետ տեղի ունեցած բախումների հետևանքով անվտանգության 3 աշխատակից է դանակահարվել և 16 ցուցարար ձերբակալվել։
Դիարբեքիրում տեղի ունեցած ցույցերի ժամանակ ոստիկանության միջամտության հետևանքով ԺԴԿ-ի երկու պատգամավոր է վիրավորվել։ ԺԴԿ-ի Բաթման պատգամավոր Ֆելեքնաս Ուջան պատմել է, որ երբ ոստիկանության աշխատակիցներին ներկայացել է որպես պատգամավոր, իրեն պատասխանել են․ «Դու իմ պատգամավորը չես» և մահակներով հարձակվել իրենց վրա։ Արդյունքում Ուջան մահակի հարված է ստացել ոտքին, իսկ մեկ այլ ԺԴԿ-ական պատգամավոր Այշե Աջարը՝ գլխին։ Պատգամավորները տեղափոխվել են հիվանդանոց։
Մարդին նահանգում ևս ոստիկանությունը միջամտել է քաղաքապետների պաշտոնանկության դեմ կազմակերպված ցույցերին։ Բախումների ժամանակ ԺԴԿ-ի Ադանայի պատգամավոր Թյուլայ Հաթիմօղուլլարը վիրավորվել և հիվանդանոց է տեղափոխվել։
Իսկ Վանում ոստիկանությունը ԺԴԿ-ի պատգամավորներին և հասարակական-քաղաքական կազմակերպությունների ներկայացուցիչներին արգելել է իրականացնել նախապես ծրագրված մամուլի ասուլիսը, որը նույնպես ուղղված էր պաշտոնաթող քաղքապետներին աջակցելուն։
Հիշեցնենք, որ օգոստոսի 19-ին Թուրքիայի ներքին գործերի նախարարության որոշմամբ Վանի, Դիարբեքիրի և Մարդինի քաղաքապետները պաշտոններից հեռացվել, նրանց փոխարեն որպես հոգաբարձու նշանակվել էին համապատասխան նահանգների նահանգապետները
Այս ենթաբաժնի վերջին նորությունները
ԱՄՆ-ի ու Հորդանանի կողմից ներկայացվել է «Ճանապարհային քարտեզ»։
Հաքան Ֆիդանը և Բադել Աբդելալաթին քննարկել են Գազայում տիրող իրավիճակը։
Սեպտմբերի 16-ին Իսրայելի պաշտպանության բանակը (ԻՊԲ) ցամաքային հարձակում է սկսել Գազայի վրա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անիի կամուրջը, կառուցվել է 10-11-րդ դարերում հայոց արքայատոհմ Բագրատունիների կողմից։
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Իրավաբանները նշում են, որ սահմանափակումն իրականացնելու իրավական հիմքը հանդիսանում է Թուրքիայի 5651 օրենքի 8/A հոդվածը։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |