Քաղաքական11:33, 20 Օգոստոս 2019
Թուրքիայի իշխող կուսակցությունը պատասխանել է Գյուլի և Դավութօղլուի քննադատություններին
Թուրքիայի նախկին նախագահ Աբդուլլահ Գյուլը և նախկին վարչապետ Ահմեթ Դավութօղլուն դատապարտել էին Վանի, Դիարբեքիրի և Մարդինի քաղաքապետներին պաշտոնից հեռացնելու իշխանությունների որոշումը։
Աբդուլլահ Գյուլը թեմայի վերաբերյալ հետևյալ գրառումն էր արել․ «Դեռ նոր ընտրված քաղաքապետներին այս կերպ պաշտոնից հեռացնելը ճիշտ քայլ չէր մեր ժողովրդավարության համար»։
Ահմեթ Դավութօղլուն էլ հետևյալ կերպ էր արտահայտվել․ «Կարճ ժամանակ առաջ անցկացված ընտրություններում ընտրված Մարդինի, Դիարբեքիրի և Վանի քաղաքապետների պաշտոնանկությունը դեմ է ժողովրդավարության ոգուն։ Ժողովրդի կամքին հավատարիմ մնալու սկզբունքը պահանջում է, որ ընտրությամբ եկածը ընտրությամբ էլ հեռանա»։
Այս քննադատությունները սվիններով են ընդունվել գործող իշխանությունների կողմից։ Իշխող «Արդարություն և զարգացում» կուսակցության (ԱԶԿ-AKP) փոխնախագահ Մահիր Ունալը պատասխանել է Գյուլին և Դավութօղլուին։
Ունալը հայտարարել է, որ ժողովրդի կողմից ընտրված լինելը որևէ մեկին թույլ չի տալիս աջակցել ու կոծկել ահաբեկչությունը՝ դեմ գնալով օրենքին ու ժողովրդավարությանը։ ԱԶԿ փոխնախագահի պնդմամբ՝ երկրի նախկին նախագահն ու վարչապետը իրականում ոչ թե անկեղծ աջակցություն են հայտնում պաշտոնից հեռացված քաղաքապետներին, այլ փորձում են շահել ժողովրդի որոշակի խավերի համակրանքը։
«Ահաբեկչությանն աջակցելով չեք կարող մեր ժողովրդի սիրտը շահել։ Դուք ոչ թե «Քուրդիստանի բանվորական կուսակցության», այլ մեր ժողովրդի աջակցությունը փնտրեք»,- հայտարարել է Ունալը։
Հիշեցնենք, որ օգոստոսի 19-ին ահաբեկչության հետ կապի մեղադրանքով պաշտոնից հեռացվել են Դիարբեքիրի, Վանի և Մարդինի քաղաքապետներ Սելչուք Մըզրաքլըն, Բեդիա Օզգյոքչե Էրթանը և Ահմեթ Թյուրքը։
Այս ենթաբաժնի վերջին նորությունները
Թուրքիայի խորհրդարանի հայ պատգամավոր Կարո Փայլանը խորհրդարան է տեղափոխել Հրանտ Դինք հիմնադրամի կազմակերպած գիտաժողովն արգելելու հարցը:
Քարտեզում Թուրքիայի տարածքի մեջ է ընդգրկվել Բուլղարիայի տարածիք մի մասը, Հայաստանն ամբողջությամբ, Սիրիայի հյուսիային շրջանները և այլ տարածքներ:
«Կրակի դադարեցումը դեռ չի նշանակում մեր զորքերի կամ այնտեղ ունեցած մեր ուժերի դուրսբերում: Մենք այնտեղ ենք ու շարունակելու ենք մնալ այնտեղ»,- ասել է Չավուշօղլուն:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Քարտեզում Թուրքիայի տարածքի մեջ է ընդգրկվել Բուլղարիայի տարածիք մի մասը, Հայաստանն ամբողջությամբ, Սիրիայի հյուսիային շրջանները և այլ տարածքներ:
Թուրքիայի խորհրդարանի հայ պատգամավոր Կարո Փայլանը խորհրդարան է տեղափոխել Հրանտ Դինք հիմնադրամի կազմակերպած գիտաժողովն արգելելու հարցը:
Քուրդ գեներալ Մազլում Քոբանի. «Մեր ուժերը մնացած տեղերում կշարունակեն պահպանել իրենց ներկայությունը։ Մյուս շրջաններում էլ հրադադար հաստատելու մասին պետք է խոսվի»:
Գազատարի երկրորդ հատվածը, որի կառուցում է նախատեսվում է ավելի ուշ, Բուլղարիայի տարածքով անցնելու է Սերբիա, ապա Հունգարիա:
Նախօրեին թուրքերը և ամերիկացիները պայմանավորվել էին, որ Սիրիայի հյուիս-արևելքում 120 ժամով կրակի դադարեցում կլինի։
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |