Թուրքայի օդուժում շարունակվում է գյուլենականների «որսը»

Իրավական14:00, 20 Օգոստոս 2019

Թուրքայի օդուժում շարունակվում է գյուլենականների «որսը»

Անկարայի հանրապետական գլխավոր դատախազությունը բերման ենթարկելու որոշում է կայացրել Թուրքիայի օդուժում ծառայած 19 զինվորականի վերաբերյալ։

Նրանք մեղադրվում են Թուրքիայում ահաբեկչական համարվող «Ֆեթուլլահական կազմակերպության » (գյուլենական շարժման) հետ կապեր ունենալու մեջ։

Թուրքական աղբյուրը նշում է, որ նրանց դեմ իրականացվող հետաքքնության շրջանակներում պարզվել է, որ օդուժի վերոնշյալ ծառայողներն իրար հետ հաղորդակցվելու համար օգտվել են գաղտնի հավելվածներից։

Գլխավոր դատախազության հրահանգով Անկարայի ոստիկանության ահաբեկչության դեմ պայքարի վարչության կողմից համաժամանակյա գործողություններ են իրականացվել Ստամբուլում, Իզմիրում, Սամսունում, Էրզրումում, Դիրաբեքիրում, Բալըքեսիրում և Չանաքքալեում:

Ոստիկանական ստորաբաժանումներին հաջողվել է բերման ենթարկել 19-ից 15-ին, իսկ 4 անձանց ձերբակալելու ուղղությամբ աշխատանքները շարունակվում են:

Հիշեցնենք, որ Թուրքիայի իշխանությունները 2016-ի հուլիսի 15-ին բարձրաստիճան զինվորականների մասնակցությամբ տեղի ունեցած զինված հեղաշրջման փորձը կազմակերպելու մեջ մեղադրում են գյուլենականներին ու անձամբ նրանց ղեկավար ամերիկաբնակ Ֆեթուլլահ Գյուլենին:

Աղբյուր` Anadolu Ajansi

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։