Թուրքիան մի շարք պտուղների արտադրության և արտահանման ոլորտում առաջատար դիրքեր ունի

Տնտեսական10:19, 19 Օգոստոս 2019

Թուրքիան մի շարք պտուղների արտադրության և արտահանման ոլորտում առաջատար դիրքեր ունի

Թուրքիան առաջատար դիրքեր ունի ծիրանի, բալի, թզի և պնդուկի արտադրության և արտահանման ծավալներով։ Այս մասին հայտարարել է Թուրքիայի գյուղատնտեսության և անտառտնտեսության նախարար Բեքիր Փաքդեմիրլին։

Նրա խոսքով՝ աշխարհի մասշտաբով պնդուկի արադրության 67 տոկոսը, բալի 26 տոկոսը, թզի 27 տոկոսը և ծիրանի 23 տոկոսը բաժին է ընկնում Թուրքիային։

Ընդհանուր առմամբ գյուղատնտեսական ապրանքների արտադրության մեջ երկիրը վերջին տարիներին մեծ առաջընթաց է գրանցել։ Վերջին 16 տարում (2002-2018թթ․) գյուղմթերքի ապահոված եկամուտը 37 մլրդ լիրայից հասել է 213․4 մլրդ լիրայի։

Նշյալ ժամանակահատվածում պտուղ–բանջարեղենի արտադրության ծավալները 98 մլն տոննայից հասել էն 117 մլն դոլարի։

Միևնույն ժամանակ աճել են նաև պտուղ-բանջարեղենի արտահանման ծավալները։ Եթե 2002թ․ Թուրքիայից արտահանված պտուղ–բանջարեղենից ստացված եկամուտը կազմել էր ընդհանուր 3․7 մլրդ դոլար, ապա 2018թ․ այդ ցուցանիշը կազմել է 17․7 մլրդ։ Ընդ որում, միայն ծիրանի, բալի, թզի ու պնդուկի արտահանումից ընդհանուր առմամբ ստացվել է 2․17 մլրդ դոլարի եկամուտ։

Աղբյուր` cnnturk.com

Այս ենթաբաժնի վերջին նորությունները

10:52, 20 սեպ

Ռուսաստանը Թուրքիային ուղևորատար ինքնաթիռների համատեղ արտադրության առաջարկ է արել

Ռուսաստանի «Միացյալ ավիաշինական կորպորացիայի» տնօրենը հայտնել է, որ Ռուսաստանը և Թուրքիան կարող են համագործակցել «MS-21 և Sukhoi Superjet» ուղևորատար ինքնաթիռների արտադրության հարցում: