Տարածաշրջան10:32, 12 Օգոստոս 2019
Չավուշօղլուն՝ ԱՄՆ-ին. «Կամ միասին ենք մաքրելու Եփրատի արևելքը ահաբեկիչներից, կամ դա կանի Թուրքիան»
Թուրքիայի արտգործնախարար Մևլութ Չավուշօղլուն Սիրիայի քրդական ուժերին սպառնացել է նոր ռազմական գործողություններով։ Այդ մասին նա հայտարարել է Անթալիայում «Արդարություն և զարգացում» կուսակցության (ԱԶԿ-AKP) կողմից կազմակերպված միջոցառմանը, որը նվիրված է եղել իսլամական զոհաբերության տոնին՝ Kurban Bayram-ին:
Թուրքիան Սիրիայի քուրդ զինյալներին համարում է ահաբեկիչներ։ Անկարան նրանց դեմ Սիրիայում արդեն մի քանի անգամ ռազմական գործողություններ արել է: Այս անգամ Թուրքիան քրդերի դեմ օպերացիա կարող է սկսել Եփրատ գետի արևելյան հատվածում։
«Եփրատի արևելքի վերաբերյալ կարող ենք միայն հետևալն ասել. կամ միասին ենք մաքրելու (նկատի ունի ԱՄՆ-ի հետ միասին-խմբ), կամ էլ Թուրքիան մտնելու է այդ տարածք և այն մաքրելու է ահաբեկիչներից։ Ինչպես Ջերաբլուսը մաքրեցինք «Իսլամական պետությունից» (ԻՊ), կամ Աֆրինը, այնպես էլ Եփրատի արևելքն ենք մաքրելու Սիրիայի քրդական «Ժողովրդական ինքնապաշտանության ջոկատների» (YPG) և «Քուրդիստանի բանվորական կուսակցության» (PKK-ՔԲԿ) զինյալներից»։
Չավուշօղլուն նշել է, որ ԱՄՆ-ն այլևս չի կարող խոչընդոտել իրականացվելիք ռազմական օպերացիային, ինչպես դա եղավ Սիրիայի Մանբիչ քաղաքում։
Նշենք, որ Թուրքիան YPG-ին նույնացնում է PKK-ի հետ և համարում, որ առաջինը երկրորդի ճյուղավորումներից մեկն է։ Թուրքիայի իշխանությունների պայքարը PKK-ի հետ տևում է արդեն 30 տարուց ավել։
Այս ենթաբաժնի վերջին նորությունները
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |