Թուրքիայում աճել է ապօրինի զենք ունեցողների թիվը

Իրավական15:23, 29 Հուլիս 2019

Թուրքիայում աճել է ապօրինի զենք ունեցողների թիվը

Թուրքիայում անձնական զենք կրողների թիվը անցնում է 25 միլիոնը։ Ընդ որում՝ զենքերի 85%-ը ապօրինի է՝ առանց պատշաճ թույլտվության։

Այդ զենքերի գործադրմամբ բռնության դեպքերն էլ 4 տարում 69 տոկոսով աճել են։ Ըստ մասնագետների՝ միջոցներ պետք է ձեռնարկվեն բնակչության շարունակական «զինումը» կանխելու նպատակով։

Մասնավորապես Դիրաբեքիրի փաստաբանական պալատն «Մի´ զինվիր» կարգախոսով ակցիա է նախաձեռնել։ Այս փաստաբանական պալատի անդամ 4 փաստաբան 2019 թվականին սպանվել են հենց ապօրինի զենք կրողների կողմից։ Դիարբեքիրի փաստաբանական պալատը կոչ է անում բարդացնել զենք ձեռք բերելու կարգը և կանխարգելիչ միջոցառումներ ձեռնարկել այդ ուղղությամբ։

Ըստ փաստաբանական գրասենյակի գլխավոր քարտուղար Օմեր Շերանի՝ վերջին 10 տարում Թուրքիայում ապօրինի կամ օրինական զենքերի թիվն աճել է 10 անգամ, և դրան զուգահեռ աճել են նաև դրանց գործադրմամբ հանցագործությունների և բռնության դեպքերը։

Նրա ներկայացրած տվյալների համաձայն՝ 2018 թվականի ընթացքում զենքի գործադրմամբ 2.279 մարդ սպանվել է, 3.762 մարդ էլ վիրավորվել։

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։