Haaretz. «Թուրքիայի իշխող կուսակցությունում Էրդողանից դժգոհ են»

Տարածաշրջան15:48, 24 Հուլիս 2019

Haaretz. «Թուրքիայի իշխող կուսակցությունում Էրդողանից դժգոհ են»

Իսրայելական հանարահայտ «Haaretz» թերթի վերլուծաբան Ցվի Բարելը հոդված է հրապարակել Թուրքիայի իշխող ուժի ներկուսակցական խնդիրների մասին:

Բարելը նշում է, որ Թուրքիայի նախագահի կողմից ղեկավարվող «Արդարություն և զարգացում» (ԱԶԿ-AKP) կուսակցությունը իշխանության ղեկին է արդեն 17 տարի։ Վերջին տարիներին մի շարք ԱԶԿ-ականներ դժգոհություններ ունեն Էրդողանի վարած քաղաքականությունից և այդ պատճառով ոմանք լքեցին կուսակցության շարքերը:

Այդ դժգոհություններն առաջացան այն բանից հետո, երբ Թուրքիայում հաստատվեց կառավարման նախագահական համակարգ, ինչի հետևանքով Էրդողանի լիազություններն ավելացան, իսկ դիրքերը՝ ամրապնդվեցին։

Կուսակցությունը լքած հայտնի մարդկանցից են Թուրքիայի նախկին արտգործնախարար Ալի Բաբաջանը և Թուրքիայի նախկին նախագահ Աբդուլլահ Գյուլը։ Իսկ Թուրքիայի մեկ այլ նախկին արտգործնախարար Ահմեդ Դավութօղլուն թեև չլքեց ԱԶԿ-ն, բայց նա էլ է դժգոհ Էրդողանի քաղաքականությունից։

Վերջում հոդվածի հեղինակը նշում է, որ աստիճանաբար ԱԶԿ-ի հին անդամների շրջանում ավելի է մեծանում դժգոհությունը Էրդողանի հանդեպ, ինչը թերևս ավելի է մեծացնում այն ճեղքերը, որոնք արդեն նկատելի են ԱԶԿ-ում։

Աղբյուր` Haaretz

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։