Իրավական13:45, 24 Հուլիս 2019
Թուրքիայում 3 ամսում 213 լրագրող դատարանի առաջ է կանգնել
2019թ. երկրորդ քառորդի ընթացքում Թուրքիայում մամուլի և խոսքի ազատության ոտնահարումների վերաբերյալ զեկույց է հրապարակվել: Զեկույցի հեղինակը «Լրագրողներ առանց սահմանների» (RSF) իրավապաշտպան կազմակերպության Թուրքիայի ներկայացուցիչ և «Bianet»-ի թղթակից Էրոլ Օնդերօղլուն է:
Զեկույցի համաձայն՝ ապրիլ, մայիս և հունիս ամիսներին Թուրքիայում ձերբակալվել է 14, դատարանի առաջ է կանգնել 213 լրագրող: Նույն ժամանակահատվածում 10 լրագրող հարձակման է ենթարկվել:
Լրագրողների վերաբերյալ կայացված դատական որոշումներով 70 անձ ընդհանուր առմամբ դատապարտվել է 493 տարվա ազատազրկման: 197 լրագրողի համար դատարանին ներկայացվել է ծանր ռեժիմի ցմահ բանտարկության դատապարտելու պահանջ:
Արձանագրվել է, որ հուլիսի 1-ի դրությամբ թուրքական բանտերում մի քանի տասնյակ ազատազրկված լրագրողներ կան: Նրանց ամենից հաճախ առաջադրվող մեղադրանքը զինված կամ ահաբեկչական խմբավորման անդամ լինելը կամ նման խմբավորման քարոզչություն կատարելն է:
Զեկույցի հեղինակը հիշեցրել է, որ RSF-ի հեղինակած «Մամուլի ազատության համաշխարհային ինդեքսում» Թուրքիան 180 երկրների շարքում 157-րդ տեղն է զբաղեցրել: «Թուրքիայում իշխանություններն իրենց վերահսկողության տակ են վերցրել դատական համակարգը, իսկ «TRT»-ի և «Anadolu»-ի նման կառույցները ավելի են հեռացվել իրենց անկախ և ժողովրդավարական բնույթից», - ասված է զեկույցի վերաբերյալ կատարված մամուլի հաղորդագրությունում:
Զեկույցում Թուրքիայի իշխանությունները մեղադրվել են մարտի 31-ին և հունիսի 23-ին անցկացված Ստամբուլի քաղաքապետի ընտրությունների ընթացքում լրագրողների դեմ կիրառված ֆիզիկական բռնության նկատմամբ անտարբեր մնալու մեջ: Արձանագրվել է նաև, որ վերջին երեք ամիսների ընթացքում Էրդողանին ուղղված քննադատությունների և նրա վերաբերյալ կարծիքների պատճառով 7 քաղաքացու մեղադրանք է առաջադրվել, նրանցից մեկը արդարացվել է, երկուսը այս պահին արդեն դատապարտվել են ազատազրկման:
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |