Ամեն տարի ՏՏ ոլորտի 10․000 մասնագետ լքում է Թուրքիան

Գիտակրթական16:21, 19 Հուլիս 2019

Ամեն տարի ՏՏ ոլորտի 10․000 մասնագետ լքում է Թուրքիան

Թուրքիայի տեղեկատվական տեխնոլոգիաների ոլորտը ներկայացնող ընկերությունների միության՝ TÜBİDER-ի նախագծերի ղեկավար Նիզայի Սարալն անդրադարձել է երկրից «ուղեղների արտահոսքի» հիմնախնդրին։

Նա նշել է, որ վերջին տարիներին այս հարցը Թուրքիայի համար հետզհետե ավելի լուրջ խնդրի է վերածվում։ Բացի երիտասարդ կադրերից՝ երկիրը լքում են նաև տարեց և փորձառու մասնագետները։ Սարալը մտահոգություն է հայտնել հատկապես այն առթիվ, որ տեխնոլոգիաների դարաշրջանում Թուրքիան կորցնում է ոլորտի իր լավագույն մասնագետներին։ Վերջիններս արտագաղթում են հիմնականում ԱՄՆ և եվրոպական երկրներ, ամենից հաճախ՝ Գերմանիա և Նիդերլանդներ։ Ամեն տարի երկիրը լքում է ՏՏ ոլորտի շուրջ 10․000 մասնագետ։

Ըստ Սարալի՝ Թուրքիայում ընդհանուր առմամբ տեղեկատվական տեխնոլոգիաների 140․000 մասնագետի աշխատատեղ կա, մինչդեռ ամեն տարի համալսարանների ու լիցեյների համապատասխան բաժինները շուրջ 90․000 շրջանավարտ են ունենում։ Արդյունքում ամենալավ երիտասարդ մասնագետները արտագաղթում են, մյուսները հիմնականում կամ անգործ են մնում, կամ աշխատում այլ մասնագիտությամբ։

Սարալի խոսքով՝ Թուրքիայից ուղեղների արտահոսքի հիմնական պատճառը ցածր աշխատավարձն է։ Եվրոպայում թեև կյանքն ավելի թանկ է, բայց աշխատավարձերն էլ անհամեմատ ավելի բարձր են, ինչն էլ գրավում է մասնագետներին։

Աղբյուր` yenicaggazetesi.com.tr

Այս ենթաբաժնի վերջին նորությունները

11:29, 15 սեպ

Թուրքիայի հայկական դպրոցներում աշակերտների թիվը նվազում է

Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։