Էրդողան. «Ասում էին, թե չենք կարողանալու գնել S-400-ները, չգնեցի՞նք»

Ռազմական11:31, 16 Հուլիս 2019

Էրդողան. «Ասում էին, թե չենք կարողանալու գնել S-400-ները, չգնեցի՞նք»

Թուրքիայի նախագահ Ռեջեփ Թաիփ Էրդողանը, նախօրեին Ստամբուլի Աթաթուրքի անվան օդանավակայանում, մասնակցելով հեղաշրջման փորձի 3-րդ տարելիցին նվիրված միջոցառմանն, անդրադարձել է Ռուսաստանից գնված «S-400» զենիթահրթիռային ՀՕՊ համակարգերի խնդրին։

Վերջին մի քանի օրվա ընթացքում Ռուսաստանը բեռնատար ինքնաթիռներով Թուրքիային է ուղարկում այդ համակարգերի մասերը։

«S-400-ների մասերով բեռնված ինքնաթիռները հերթով վայրէջք են կատարում Թուրքիայում։ Արդեն 8 ինքնաթիռ է վայրէջք է կատարել։ Մյուսներն էլ գալիս են։ Ասում էին, թե չենք կարողանալու գնել, ինչ է, չգնեցի՞նք դրանք, մոնտաժային աշխատանքները չսկսեցի՞նք, ըստ օրացույցի չե՞նք աշխատում։ Ալլահի կամոք 2020-ի ապրիլին այդ համակարգերն ամբողջովին տեղակայված կլինեն։ Սա ոչ թե հարձակողական, այլ պաշտպանական զինատեսակ է։ S-400-ները լավագույն զենքն են բոլոր նրանց դեմ, ովքեր կցանկանան հարձակվել մեր երկրի վրա»,-ասել է Էրդողանը։

Հիշեցնենք, որ ԱՄՆ-ն Թուրքիային բազմիցս զգուշացրել է, որ Անկարայի համար հետևանքները ծանր են լինելու։ Վաշինգտոնը զգուշացրել է, որ Թուրքիայի դեմ կիրառվելու են պատժամիջոցներ։

Աղբյուր` Yeni akit

Այս ենթաբաժնի վերջին նորությունները

15:44, 18 սեպ

Ո՞ր դեպքում Թուրքիան զորքերը դուրս կբերի Սիրիայից

Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։