Մշակութային12:48, 09 Հուլիս 2019
Գանձագողերը վնասում են Էրզրումի Սուրբ Մինաս հայկական եկեղեցին (տեսանյութ)
Կարինում (Էրզրում) 1790-ականներից մինչև մեր օրեր հասած հայկական պատմական Սուրբ Մինաս եկեղեցում գանձագողերն այլևս չփորված տեղ չեն թողել, իսկ եկեղեցու շրջակայքում ապօրինի շինարարություն է կատարվում:
Թուրքական աղբյուրի փոխանցմամբ՝ ներկայիս Թուրքիայի հյուսիսարևելյան Էրզրում նահանգի Ազիզիյե գավառում գտնվող հայկական եկեղեցում գանձ որոնողները, հայերի ոսկիները գտնելու մոլուցքով տարված, ապօրինի հորատումներ են անում:
Նշվում է, որ Ազիզիյեի շրջանի ղեկավարությունը դիմել է գերմանաբնակ հայ Սաբրի Էրգինին, ում պատկանում է այդ եկեղեցին, սակայն վերջինս համաձայնություն չի տվել այն վերականգնելու համար:
«Եկեղեցին, որն իր սեփականատիրոջ պահանջով չի վերականգնվում, դարձել է գանձագողերի ապաստարան: Իսկ տեղի բնակիչները ցանկանում են վերականգնել եկեղեցին կամ մաքրել նրա շրջակայքը»,- հայտնում է աղբյուրը:
Նշենք, որ եկեղեցու սեփականատեր Սաբրի Էրգինը տարիներ առաջ հայտնել էր, որ եկեղեցին մեծ նշանակություն է ունեցել իր մոր համար, որն ամեն ջանք գործադրել էր եկեղեցու պահպանության համար: Խոսելով մոր երազանքի մասին՝ Էրգինն ասել էր. «Մայրս ցանկանում էր, որ այն ծառայի ժողովրդին որպես մշակութային կենտրոն կամ գրադարան ու դառնա հայ և թուրք ժողովուրդների խաղաղության խորհրդանիշը»:
Այս ենթաբաժնի վերջին նորությունները
Տարածաշրջանում միայն մի քանի կիսավեր եկեղեցիներ են պահպանվել, որոնք որպես ախոռ են օգտագործվում կամ ավերվում գանձախույզների կողմից։
Էրզրումում գտնվող հայկական եկեղեցում գանձ որոնողները, հայերի ոսկիները գտնելու մոլուցքով տարված, ապօրինի հորատումներ են անում:
1915թ. Հայոց ցեղասպանությունից հետո եկեղեցին օգտագործվել է որպես պահեստ և կինոսրահ:
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Ոստիկանության կողմից տարածված գրավոր հայտարարության մեջ մասնավորապես նշվում է.
Թուրքական պետական լրատվամիջոցը Անին ներկայացնում է ոչ թե որպես հայկական մշակութային ժառանգություն, այլ՝ որպես «տարբեր քաղաքակրթությունների օրրան»
Տարածաշրջանում միայն մի քանի կիսավեր եկեղեցիներ են պահպանվել, որոնք որպես ախոռ են օգտագործվում կամ ավերվում գանձախույզների կողմից։
Տրապիզոնի բնակիչներից մեկը հարձակվել է իրաքցի զբոսաշրջիկների վրա, խլել դրոշը՝ բղավելով. «Սա Թուրքիան է, այստեղ չեք կարող Քուրդիստանի դրոշ ծածանել»։
Այս մասին հայտարարել է Թուրքիայի պաշտպանական արդյունաբերության գլխավոր վարչության քարտուղար Իսմայիլ Դեմիրը։
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |