Քաղաքական10:50, 08 Հուլիս 2019
Հունաստանի նոր վարչապետն ու Թուրքիայի ակնկալիքները
Հուլիսի 7-ին Հունաստանում կայացած արտահերթ ընտրությունների արդյունքում երկրի վարչապետ է ընտրվել «Նոր ժողովրդավարություն» կուսակցության ներկայացուցիչ Կիրիակոս Միցոտակիսը։ Նա շոշափելի առավելությամբ հաղթել է իր մրցակցին՝ նախկին վարչապետ Ալեքսիս Ցիպրասին։
Թուրքական մամուլն անմիջապես ուշադրություն է հրավիրել նոր վարչապետի՝ Թուրքիայի հետ ունեցած առնչություններին։
Բանն այն է, որ Միցոտակիսը Հունաստանում հայտնի քաղաքական գործիչների ընտանիքից է։ Նրա հայրը՝ Կոնստանտին Միցոտակիսը, նույնպես զբաղեցրել է վարչապետի պաշտոնը՝ 1990-1993 թվականներին։ Սակայն մինչ այդ պաշտոնը ստանձնելը՝ 1967թ․ Հունաստանում տեղի ունեցած ռազմական հեղաշրջումից հետո Կոնստանտինը կալանավորվել է։ Իսկ այնուհետև Թուրքիայի արտգործնախարար Իհսան Սաբրի Չաղլայանգիլի աջակցությամբ փախել է Թուրքիա և յոթ տարի ապրել աքսորյալի կարգավիճակում:
Հիմք ընդունելով այս հանգամանքը՝ թուրքական մամուլում տեսակետներ են հնչում, թե արդյոք Միցոտակիսը կընդառաջի՞ Թուրքիային գյուլենականներին արտահանձնելու հարցում, քանի որ հենց Թուրքիայի շնորհիվ է ժամանակին փրկվել նրա հոր կյանքը: Հիշեցնենք, որ նախկին վարչապետ Ալեքսիս Ցիպրասը թուրքական իշխանությունների կողմից հետապնդվող գյուլենականներին արտահանձնելու հարցում խիստ անզիջում էր։
Նշենք նաև, որ գյուլենական համայնքի հետ կապի մեջ մեղադրվողներն առավել հաճախ քաղաքական ապաստանի համար Թուրքիայից դիմում են Գերմանիային և Հունաստանին։ Աղբյուրի համաձայն՝ մեկ տարում Թուրքիայից Հունաստանին ներկայացվել է շուրջ 4․000 նմանատիպ դիմում:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |