Թուրքիային բարկացրել է, որ PKK-ի հրամանատարներից մեկի հոդվածը հայտնվել է «Washington Post»-ում

Տարածաշրջան10:34, 04 Հուլիս 2019

Թուրքիային բարկացրել է, որ PKK-ի հրամանատարներից մեկի հոդվածը հայտնվել է «Washington Post»-ում

Թուրքիայի կառավարական շրջանակներում մեծ աղմուկ է հանել ամերիկյան «Washington Post» պարբերականում հրապարակված այն հոդվածը, որը հեղինակել է «Քուրդիստանի բանվորական կուսակցության» (ՔԲԿ-PKK) ազդեցիկ հրմանատարներից մեկը՝ Ջեմիլ Բայըքը։ Թուրքական աղբյուրը նշում է, որ ամերիկյան պարբերականը Ջեմիլ Բայըքին ներկայացրել է որպես PKK-ի 5 հիմնադիրներից մեկը։

Նշենք, որ PKK-ն Թուրքիայում համարվում է ահաբեկչական կազմակերպություն։

Հոդվածը հրապարակվել է հետևյալ վերտառությամբ. «Եկել է քուրդ զինյալների և Թուրքիայի կառավարության միջև խաղաղություն հաստատելու ժամանակը։ Եկեք այն չկորցնենք»։

Հրապարակման առնչությամբ իր դժգոհությունն է հայտնել Թուրքիայի նախագահի մամուլի խոսնակ Իբրահիմ Քաընը՝ այն որակելով սկանդալային։ «Washington Post»-ը տպում է մի մարդու հոդված, ում համար ամերիկյան իշխանությունները գլխագին են սահմանել։ Քալընը ամերիկյան պարբերականին մեղադրել է PKK-ի օգտին քարոզչություն անելու մեջ։

«Washington Post»-ի հրապարակումը դատապարտել է նաև Թուրքիայի արտգործնախարարությունը։ Թուրքիայի ԱԳՆ-ն կոչ է արել տարբերություն չդնել PKK-ի և այնպիսի ահաբեկչական կազմակերպությունների միջև ինչպիսիք են «Ալ-Քաիդան» և «Իսլամական պետությունը»։

Աղբյուր` Diken

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: