Ամերիկացի սենատորն առաջարկում է Թուրքիային վաճառել Patriot ՀՕՊ համակարգեր

Տարածաշրջան10:03, 03 Հուլիս 2019

Ամերիկացի սենատորն առաջարկում է Թուրքիային վաճառել Patriot ՀՕՊ համակարգեր

Հանրապետական սենատոր Լինդսեյ Գրահամն ամերիկյան ղեկավարությանն առաջարկել է թուրք-ամերիկյան լարվածությունը հարթեցնել ամերիկյան Patriot ՀՕՊ համակարգերի օգնությամբ։

Նա մասնավորապես առաջարկել է դրանք վաճառել Թուրքիային։ Ըստ սենատորի՝ դա կարող կարգավորել առկա թուրք-ամերիկյան ճգնաժամը, որն առաջացել է Թուրքիային մատակարարվելիք ռուսական S-400 ՀՕՊ համակարգերի պատճառով:

Սենատորը նշել է, որ չնայած Ճապոնիայում Թուրքիայի և ԱՄՆ-ի նախագահների միջև հանդիպմանը, այնուամենայնիվ Վաշինգտոնը կարող է կիրառել պատժամիջոցներ Թուրքիայի դեմ։ Ըստ սենատորի՝ դա կլինի այն դեպքում, եթե մի քանի օրից Թուրքիային մատակարարվելիք S-400-ները գործարկվեն։ Նա հիշեցրել է, որ ԱՄՆ-ի կոնգրեսը ռուսական համակարգերի հարցով Թուրքիայի դեմ պատժամիջոցներ սահմանող օրինագիծ է ընդունել, որով նախատեսվում է արգելել ամերիկյան F-35 նոր սերնդի կործանիչների մատակարարումը Թուրքիային։

Այդուհանդերձ ամերիկացի պաշտոնյան հույս է հայտնել, որ ստեղծված իրավիճակում ելք կգտնվի, քանի որ Թուրքիան և ԱՄՆ-ն ռազմավարական դաշնակիցներ են։ Նա համաձայնել է Թրամփի հնչեցրած այն կարծիքի հետ, որ ԱՄՆ-ի նախագահ Բարաք Օբամայի վարչակարրգը սխալ է թույլ տվել, երբ ժամանակին հրաժարվել է ամերիկյան Patriot ՀՕՊ համակարգերը վաճառել Թուրքիային։

Նշենք, որ մամուլում և փորձագիտական որոշ շրջանակներում շրջանառվում է վարկած, թե իբր Թուրքիային մատակարարվելիք S-400-ները կարող են առայժմ չգործարկել, որպեսզի չհարուցեն ամերիկյան ղեկավարության զայրույթը։

Աղբյուր` Anadolu

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։