Հասարակական18:48, 03 Հուլիս 2019
Պոլսահայ գործիչ. «Պետությունը չի ցանկանում խառնվել մեր ներքին գործերին»
Օրեր առաջ Կ.Պոլսի հայոց պատիրքարանը հայտարարեց, որ Ստամբուլի նահանգապետարանի պահանջով մեկ շաբաթով հետաձգվում է տեղապահի ընտրությունը՝ հունիսի 27-ից տեղափոխվելով հուլիսի 4-ը: Պատրիարքական ընտրությունների հետ կապված վերջին զարգացումների շուրջ Ermenihaber-ը զրուցել է պոլսահայ գործիչ Կարո Գաբրիելյանի հետ:
Գաբրիելյանը որպես ընտրությունների գործընթացում թույլ տրված առաջին սխալ նշել է Հոգևոր խորհրդի 2019-ի մարտի 8-ի նիստում ընդունված այն որոշումը, ըստ որի ընտրություններին կարելի է գնալ նաև առանց տեղապահ ընտրելու՝ պատրիարքի փոխանորդով:
«Այդ որոշումը հակասում էր օրենքներին ու կանոններին: Բայց մայիսի 13-ին Թուրքիայի ներքին գործերի նախարար Սուլեյման Սոյլուն այցելեց պատրիարքարան ու հոգևոր խորհրդի հետ հանդիպման արդյունքում որոշվեց Ստամբուլի քաղաքապետի ընտրություններից անմիջապես հետո տեղապահ ընտրել:
Հունիսի 18-ին հոգևոր խորհրդի հունիսի 18-ին գումարած նիստին տեղապահի ընտրության օր էր նշանակվել հունիսի 27-ը: Դրանից բացի նույն ժողովին որոշում էր ընդունվել արգելափակել այդ ընտրություններին Գարեգին արք. Բեկչյանի մասնակցութունը՝ չնայած Սահակ եպս. Մաշալյանի՝ դա չանելու մասին համառումներին: Բնականաբար դա էլ նախկինում արված մի շարք քայլերի ու գործարքների նման անարդար էր և հակասում էր մեր կանոններին»,- նշեց մեր զրուցակիցը:
Գաբրիելյանը, ակնարկելով, որ տեղապահի ընտրությունների հետաձգման պահանջը կարող է կապված լինել Ստամբուլի նահանգապետարան Աթեշյանի ուղարկած նամակի հետ, որով վերջինս տեղեկացրել էր ընտրությունների օրվա մասին, ասաց. « Այդ որոշման մասին պետոթությանը տեղեկացնելու կարիք չկար: Պետք է իրազեկել միայն այն ժամանակ, երբ իրար հաջորդող գործընթացների արդյունքում կոնկրետ արդյունք կստացվի: Աթեշյանը հունիսի 20-ին նամակ է ուղարկել նահանգապետարան՝ տեղեկացնելով, որ որոշել են հունիսի 27-ին անցկացնել տեղապահի ընտրությունները: Նրանք էլ ասել են, որ նամակի ձևը չի համապատասխանում սահմանված կարգին (նամակի վրա առկա չի եղել հոգևոր խորհրդի ղեկավարի ստորագրությունը) ու հետ են ուղարկել: Դրանից հետո եկած գրությամբ էլ ասվել է, որ ընտրությունները տեղափոխեն հունիսի 4-ին:
Տեսեք, պետությունը չի ցանկանում խառնվել մեր ներքին գործերին: Բայց եթե դուք անընդհատ ինտրիգներ հրահրեք ու հասարակության մեջ լարվածություն առաջացնեք, իհարկե կմիջամտի»,- ասել է Գաբրիելյանը՝ հիշեցնելով, որ Թուրքիայի հայ պատգամավոր Կարո Փայլանը հարցապնդում է հղել ՆԳ նախարար Սուլեյման Սոյլուին՝ հետաքրքրվելով տեղապահի ընտրությունները հետաձգելու պատճառների մասին:
Այս ենթաբաժնի վերջին նորությունները
Բնակիչները ստիպված են եղել պարանների միջոցով վերևի հարկեր բարձրանալ՝ փրկելու իրենց կյանքը:
«Զոհաբերության տոնի» (Kurban Bayramı) ժամանակ ցուլի արկածներն այդքանով չեն սահմանափակվել։
Նա հավելել է, որ 2021-ին Թուրքիայի հանգստավայրերը ծրագրում են ընդունել 25 մլն զբոսաշրջիկ և ստանալ 20մլրդ դոլար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ականատեսներից մեկն այդ ամենը բջջային հեռախոսով նկարահանել և տեսանյութը տրամադրել է իրավապահ մարմիններին:
Բնակիչները ստիպված են եղել պարանների միջոցով վերևի հարկեր բարձրանալ՝ փրկելու իրենց կյանքը:
«Վարոշայի վերաբերյալ Թուրքիայի անընդունելի հայտարարությունների հարցում մեր կողմից ոչ մի զիջում չի լինելու»,- ասել է Կատերինա Սակելարոպուլուն:
Թուրքիայում իշխող «Արդարություն և զարգացում» կուսակցության մամուլի խոսնակ Օմեր Չելիքը Հայաստանի հասցեին սպառնալիքներ պարունակող գրառում է արել Twitter-ում։
Զինվորականները սպանվել են անհայտ անձանց կողմից թուրքական զիվորական շարասյան վրա կատարված հարձակման հետևանքով:
Օրացույց
արտարժույթ
| EUR | TRY | USD |
| 549.84 | 90.05 | 485.12 |