Քաղաքական11:27, 02 Հուլիս 2019
Էրդողան. «S-400-ները Թուրքիա կմատակարարվեն 10 օրվա ընթացքում»
Ճապոնիայում տեղի ունեցող Մեծ քսանյակի (G20) գագաթնաժողովի շրջանակում Թուրքիայի նախագահ Ռեջեփ Թայիփ Էրդողանը հանդիպել է ԱՄՆ նախագահ Դոնալդ Թրամփի հետ:
Հանդիպումից հետո լրագրողներին տված հարցազրույցում հայտարարել է, որ Ռուսաստանից գնած S-400 զենիթահրթիռային ՀՕՊ համակարգերը 10 օրվա ընթացքում կմատակարարվեն Թուրքիա:
Էրդողանը, անդրադառնալով ԱՄՆ նախագահի հետ հանդիպման մանրամասներին, ասել է.
«Մինչ այժմ չենք լսել որևէ պատժամիջոցի վերաբերյալ որևէ բան: Հարգարժան Թրամփի հետ ունեցած հեռախոսազրույցներիս և մեր երկկողմ հանդիպումների ընթացքում նա չի ասել, որ ձեր նկատմամբ հետևյալ պատժամիջոցն ենք կիրառելու»:
Լրագրողները Թուրքիայի նախագահին հարցրել են, թե Թրամփը «Patriot» համակարգերի ձեռքբերմանը «կանաչ լու՞յս է միացրել», թե՞ ոչ, Էրդողանը պատասխանել է.
«S-400-ը համարժեք է 3 Patriot-ին: Եթե պայմաններն այնպես լինեն, որ նույնիսկ հավասար լինեն «S-400» համակարգերի հետ, ապա մենք «Patriot» կգնենք, բայց եթե հավասար չլինեն, մենք մեր շահերի մասին կմտածենք»:
Էրդողանը հիշեցրել է, որ ամերիկյան արտադրության «F-35» կործանիչների համար Թուրքիան ԱՄՆ-ին 1 մլրդ 400 մլն դոլար է վճարել և քննադատել Թրամփի խոսքերը` «նրանք գումարը վճարում են, սակայն մենք կործանիչները չենք տրամադրում»:
Հիշեցնենք, որ ռուսական ՀՕՊ համակարգերի գնման պատճառով վերջին շրջանում թուրք-ամերիկյան հարաբերություններում լարվածությունը գնալով խորանում է: ԱՄՆ-ն տարբեր պաշտոնյաների շուրթերով Թուրքիային բազմիցս զգուշացրել ու շարունակում է զգուշացնել, որ ռուսական S-400-ների գնման դեպքում Անկարան կարող է դուրս թողնվել F-35 կործանիչների համատեղ արտադրության նախագծից:
Այս ենթաբաժնի վերջին նորությունները
Գերմանիա-Թուրքիա միջխորհրդարանական բարեկամության խմբի նախագահն ու խոսնակը անդրադարձել են Գյուլենի մահվանը ու կիսվել իրենց տեսակետներով՝ կապված Գյուլեն-Էրդողան համագորակցության վերաբերյալ։
Թուրքիայի նախագահն ԱԶԿ-ի կենտրոնակայանում անցկացվելիք հանդիպմանը գնահատականներ է հնչեցնելու առկա օրակարգի վերաբերյալ։
ՌԴ նախագահ Վլադիմիր Պուտինի արտաքին քաղաքականության հարցերով խորհրդական Յուրի Ուշակովի խոսքով, հանդիպումը կայանալու է BRICS-ի գագաթնաժողովի շրջանակներում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Վերջինս Թուրքիայի իշխանությունների կողմից հետապնդվում էր որպես ահաբեկչական «Ֆեթուլլահական կազմակերպության» ղեկավար:
Թուրքական մեդիայում Թուրքիայի կողմից ահաբեկչական ճանաչված «Ֆեթուլլահականների կազմակերպության» ղեկավարի մահից հետո լայն տարածում է գտել վերջինիս կտակը:
Թուրքիայի արտգործնախարարն անդրադարձել է իրենց կողմից ահաբեկչական ճանաչված «Ֆեթուլլահականների կազմակերպության» ղեկավար Ֆեթուլլահ Գյուլենի մահվանը:
Թուրքիայի գլխավոր ընդդիմադիր, քեմալական «Ժողովրդահանրապետական կուսակցության» նախկին առաջնորդի նկատմամբ «նախագահին հասցված վիրավորանքների» հատկանիշներով հետաքննություն է սկսվել:
Հանդիպման օրակարգում է լինելու երկու երկրների հարաբերությունները, ռուս-ուկրաինական պատերազմի շուրջ տիրող իրավիճակը և մի շարք այլ հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |