Թուրքական օդուժը Իրաքի հյուսիսում իրականացվող «Մագիլ» օպերացիայի ընթացքում 60 քուրդ զինյալ է սպանել

Տարածաշրջան08:29, 28 Հունիս 2019

Թուրքական օդուժը Իրաքի հյուսիսում իրականացվող «Մագիլ» օպերացիայի ընթացքում 60 քուրդ զինյալ է սպանել

Թուրքիայի օդուժի կողմից հյուսիսային Իրաքի Հաքուրք շրջանի ուղղությամբ մայիսի 27-ից իրականացվող «Մագիլ» (Pençe) ռազմական գործողությունները շարունակվում են:

Գործողությունների վերաբերյալ պարբերաբար հաղորդագրություններ է տարածում Թուրքիայի պաշտպանության նախարարության Twitter-ի պաշտոնական էջը:

Պաշտոնական հաղորդագրության մեջ նշվում է, որ Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) դեմ ուղղված ռազմական օպերացիայի ընթացքում Հյուսիսային Իրաքի Հաքուրք շրջանում Թուրքիայի օդուժը վնասազերծել է ևս 2 քուրդ զինյալ:

Այսպիսով ռազմական օպերացիայի մեկնարկից մինչև այժմ Հաքուրքում սպանվել է 60 քուրդ զինյալ:

«Քանդիլի, Ավաշինի, Բասյանի և Մեթինայի շրջաններում իրականացվող ավիահարվածներից PKK-ի 52 ահաբեկիչ է վնասազերծվել: Իսկ «Մագիլ» օպերացիայի հետ միասին Իրաքի հյուսիսում վնասազերծված ահաբեկիչների քանակը 112 է կազմում: Մեր հրամանատարները շարունակում են հայտնաբերել և ոչնչացնել կառույցին պատկանող թաքստոցներ, քարանձավներ, ականներ և նռնականետեր»,- նշված է պաշտոնական հայտարարության մեջ:

Աղբյուր` Ahaber.com.tr

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։