Տարածաշրջան11:58, 27 Հունիս 2019
Թուրք ազգայնական կուսակցապետը S-400-ների ձեռքբերումը կապել է Թուրքիայի լինել-չլինելու հետ
Թուրքիայի «Ազգայնական շարժում» կուսակցության (ԱԺԿ-MHP) առաջնորդ Դևլեթ Բահչելին արձագանքել է վերջին շրջանում Թուրքիայի նկատմամբ ԱՄՆ-ի կողմից իրականացվող ճնշումներին, որոնք պայմանավորված են ռուսական «S-400» զենիթահրթիռային ՀՕՊ համակարգերի ձեռքբերմամբ։
Ըստ Բահչելիի՝ ԱՄՆ-ն վերջին շրջանում հնչեցրած իր թելադրող հայտարարություններով անհարգալից վերաբերմունք է ցուցաբերում Թուրքիայի նկատմամբ։
«Կամ մենք տեղի ենք տալու ԱՄՆ-ի ճնշումներին և դրանով իսկ կորցնելու ենք մեր պատիվը և լրջությունը, որով մարտահրավեր ենք նետել դարերին, կամ էլ մենք հուլիսին S-400-ները կվերցնենք և կտեղակայենք մեր հայրենի հողերում։ Այլ ընտրություն չկա։ Անկախ նրանից, թե ԱՄՆ-ին դուր է գալիս, թե՝ ոչ, S-400-ների հարցը վերածվել է գոյապայքարի»,- ասել է Բահչելին։
Անդրադառնալով ԱՄՆ-ի զգուշացումներին և սպառնալիքներին, թուրք ազգայնականների ղեկավարը ասել է, որ այդ ամենը այս պահին ոչ մի նշանակություն չունի Թուրքիայի համար։
Հիշեցնենք, որ ռուսական ՀՕՊ համակարգերի գնման պատճառով վերջին շրջանում թուրք-ամերիկյան հարաբերություններում լարվածությունը գնալով խորանում է: ԱՄՆ-ը տարբեր պաշտոնյաների շուրթերով Թուրքիային բազմիցս զգուշացրել ու շարունակում է զգուշացնել, որ ռուսական S-400-ների գնման դեպքում Անկարան կարող է դուրս թողնվել F-35 կործանիչների համատեղ արտադրության նախագծից ու հայտնվել ամերիկյան պատժամիջոցների թիրախում:
Այս ենթաբաժնի վերջին նորությունները
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |