Միջազգային08:24, 24 Հունիս 2019
Զեկույց․ «Կրոնական ազատությունների առումով Թուրքիան առանձնակի մտահոգություն առաջացնող երկիր է»
Միջազգային կրոնական ազատության հարցերով ԱՄՆ-ի հանձնաժողովի (USCIRF) 2019թ․ զեկույցում Թուրքիան հիշատակվել է որպես «առանձնակի մտահոգություն առաջացնող երկիր»։
Ըստ զեկույցի՝ 2018թ․ Թուրքիայում կրոնական ազատությունների վիճակը շարունակում է խորին մտահոգություն հարուցել, ավելին՝ լուրջ մտավախություն կա, որ առաջիկա տարիներին իրավիճակն էլ ավելի կվատթարանա։ Արձանագրվել է, որ Թուրքիայյում կրոնի կամ հավատքի ազատության սահմանափակումները սպառնալիք են ստեղծում երկրում ազգային փոքրամասնությունների գոյության համար։ Միևնույն ժամանակ՝ երկրի պետական կառույցներն ու իշխանամետ մամուլն իրենց գործունեությամբ նպաստում են փոքրամասնությունների շրջանում տագնապի ու վախի մթնոլորտի հաստատմանը։
Թուրքիայի արտգործնախարարության խոսնակ Համի Աքսոյը բողոքել է նշված զեկույցի դեմ՝ պնդելով, թե զեկույցում Ֆեթհուլլահ Գյուլենի վերաբերյալ տեղ գտած արտահայտությունները «երկերեսանիություն» են, իսկ քահանա Բրանսոնի վերաբերյալ գնահատականները Աքսոյը որակել է որպես անտեղի քննադատություն։
ԱՄՆ-ի հանձնաժողովն իր զեկույցում հանդես է եկել նաև ԱՄՆ կառավարությանն ուղղված մի շարք առաջարկներով, որոնց թվում տեղ է գտել նաև Պոլսո Հայոց պատրիարքարանի հարցը։ Մասնավորապես կոչ է արվել ԱՄՆ-ին՝ ճնշում գործադրել Թուրքիայի վրա, որպեսզի նոր պատրիարքի ընտրություններն անցկացվեն առանց պետության միջամտության։ Առաջարկվել է նաև հրապարակավ դատապարտել այն թուրք քաղաքական գործիչներին, ովքեր իրենց ելույթներում կրոնական փոքրամասնություններին ուղղված խտրական և նվաստացուցիչ ձևակերպումներ են օգտագործում։
Միջազգային կրոնական ազատության հարցերով ԱՄՆ-ի հանձնաժողովը ստեղծվել է 1998թ․ «Միջազգային կրոնական ազատությունների մասին» օրենքի հիման վրա։ Այն ԱՄՆ-ի կառավարության անկախ հանձնաժողովներից է, որը հետևում է ԱՄՆ-ից դուրս կրոնի և հավատքի ազատությունների վիճակին՝ այնուհետև հանդես գալով ԱՄՆ-ի նախագահին, պետդեպարտամենտին և կոնգրեսին ուղղված առաջարկներով։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |