Ռազմական12:08, 24 Հունիս 2019
Թուրք դեսպան․ «S-400-ների հարցը ՆԱՏՕ-ի խնդիրը չէ»
ՆԱՏՕ-ում Թուրքիայի մշտական ներկայացուցիչ, դեսպան Բասաթ Օզթյուրքը անդրադարձել է ռուսական S-400 հակաօդային պաշտպանության համակարգերի ձեռքբերման խնդրին։
Օզթյուրքը հիշեցրել է ՆԱՏՕ-ի գլխավոր քարտուղար Յենս Ստոլտենբերգի այն հայտարարությունը, որ դաշինքի անդամները ազատ են իրենց ցանկացած զենքերի ձեռքբերման հարցում։ Ստոլտենբերգը միևնույն ժամանակ շեշտել էր դաշնակիցների զինված ուժերի միջև համագործակցելու կարողության ապահովման կարևորությունը։
Թուրք դեսպանի խոսքով՝ S-400–ների խնդիրն ԱՄՆ-ի որոշ շրջանակների կողմից արհեստականորեն ուռճացվում և ընդլայնվում է։ Ըստ նրա՝ ի սկզբանե ԱՄՆ-ը միայն մտահոգված էր այն հանգամանքով, որ S-400 համակարգերը կարող են տեխնիկապես անհամատեղելի լինել ՆԱՏՕ-ի սպառազինության հետ։ Դրան ի պատասխան՝ Թուրքիան հավաստիացրել էր, որ ռուսական ՀՕՊ համակարգերը չեն ինտեգրվելու ՆԱՏՕ-ի համակարգերում, ուստի այդ մտահոգությունն անտեղի է։
Օզթյուրքը հիշեցրել է, որ վերջին շրջանում ԱՄՆ-ը սկսել է քաղաքականացնել S-400-ների ձեռքբերման հարցը՝ այն կապելով F-35 ինքնաթիռների նախագծի հետ։ «S-400-ների հարցը ՆԱՏՕ-ի խնդիրը չէ, այն միայն երկու կողմերին վերաբերող խնդիր է։ Սխալ կլինի, որ ԱՄՆ-ը այդ հարցը տարածի ՆԱՏՕ-ի վրա և խաթարի դաշինքի ներդաշնակությունը», - ասել է ՆԱՏՕ-ում Թուրքիայի ներկայացուցիչը։
Դեսպանը նշել է, որ ոչ ՆԱՏՕ-ի գլխավոր քարտուղարը, ոչ էլ որևէ դաշնակից չի կամենա, որ որևէ երկու դաշնակիցներ իրար դեմ պատժամիջոցներ կիրառեն կամ նրանց միջև հարաբերությունները փչանան։ Ուստի Օզթյուրքը կոչ է արել ԱՄՆ-ին հավատարիմ մնալ ՆԱՏՕ-ի ընդհանուր արժեքներին և գործել դրանց համապատասխան։
Այս ենթաբաժնի վերջին նորությունները
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Զուգահեռաբար Թուրքիան շարունակում է հետաքրքրված մնալ եվրոպական «Eurofighter Typhoon» կործանիչների ձեռքբերմամբ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |