Թուրքիայի արտգործնախարար. «Ինչ պատժամիջոց էլ որոշվի, մեկ է, մենք արդեն գնել ենք S-400-ները»

Տարածաշրջան13:30, 24 Հունիս 2019

Թուրքիայի արտգործնախարար. «Ինչ պատժամիջոց էլ որոշվի, մեկ է, մենք արդեն գնել ենք S-400-ները»

Թուրքիայի արտգործնախարար Մևլութ Չավուշօղլուն անդրադարձել է ամերիկյան հնարավոր պատժամիջոցներին, որոնք կարող են կիրառվել այն դեպքում, եթե Ռուսաստանը Թուրքիային փոխանցի ռուսական S-400 զենիթահրթիռային ՀՕՊ համակարգերը։

Չավուշօղլուի բնորոշմամբ՝ Թուրքիան ազատ և անկախ պետություն է ու չի պատրաստվում այլ երկրներից թույլտվություն խնդրել նման հարցերում։

«Ինչ պատժամիջոց էլ որոշվի, ինչպիսի հայտարարություն էլ ԱՄՆ-ից արվի, մեկ է, մենք արդեն գնել են «S-400»-ները և այժմ քննարկում ենք, թե երբ է դրանց մատակարարումը տեղի ունենալու: Այդ ուղղությամբ աշխատանքներ են տարվում»,- ասել է Թուրքիայի արտգործնախարարը: Նա մեկ անգամ ևս հաստատել է, որ Թուրքիան չի հրաժարվելու S-400-ներից, քանի որ ունի դրանց կարիքը։

Չավուշօղլուն տեղեկացրել է, որ ռուս-թուրքական գործարքը քննարկման առարկա է լինելու Թուրքիայի և ԱՄՆ-ի նախագահների հանդիպման ժամանակ, որ կայանալու է Ճապոնիայում անցկացվելիք G-20-ի շրջանակներում։ Ըստ թուրք նախարարի՝ այդ հանդիպման օրակարգում է լինելու նաև Սիրիայի հարցը։

Աղբյուր` Yeni Şafak

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։