Իրավական07:53, 21 Հունիս 2019
Յըլդըրըմի կողմից «Քուրդիստան» բառի գործածումից հետո նույն բառի համար դատվող լրագրողն արդարացվել է
Թուրքիայում իշխող «Արդարություն և զարգացում կուսակցության» (ԱԶԿ-AKP) Ստամբուլի քաղաքապետի թեկնածու Բինալի Յըլդըրըմը օրերս իր ելույթի ժամանակ օգտագործել էր «Քուրդիստան» բառը: Հավանաբար նա դա արել էր ընտրություններում ստամբուլաբնակ քրդերի համակրանքը շահելու նպատակով:
Յըլդըրըմի այդ քայլը արդարացման հնարավորություն է ստեղծել «Քուրդիստան» բառն օգտագործելու համար դատվող լրագրող Մեհմեթ Սանրիի համար:
Բանն այն է, որ լրագրողը վերջերս սոցցանցի իր էջում հրապարակել էր տարիներ առաջ Փարիզի Քրդական համալսարանում ունեցած ելույթը, որտեղ Թուրքիայի քրդաբնակ շրջանների մասին խոսելիս օգտագործել էր «Քուրդիստան» բառնը: Թուրքական իշխանությունների կողմից վերջին տարիներին այդ տերմինի տաբու է կիրառվում: Եվ ահա տվյալ լրագրողը կանգնել էր դատարանի առաջ: Ընթացքի մեջ գտնվող դատավարության ելքի վրա որոշիչ ազդեցություն է ունեցել Բինալի Յըդըրըմի կողմից նույն տերմինի հրապարակային հնչեցումը:
Սանրիի փաստաբանը դատավարության եզրափակիչ նիստում հայտարարել է, որ դատարանը պետք է արդարացնի իր պաշտպանյալին, քանի որ նույն տերմինը հրապարակավ օգտագործում է նաև ոչ վաղ անցյալում երկրում ամենաբարձր պաշտոններ զբաղեցրած անձը (Յըլդըրըմը եղել է Թուրքիայի վարչապետ, ապա՝ խորհրդարանի նախագահ):
Դատարանը հենց այդ հիմնավորմամբ էլ մեղադրյալի նկատմամն արդարացման որոշում է կայացրել:
Դատավճռից հետո Սանրիի փաստաբանը Twitter-ում գրել է. «Այսինքն եթե պարոն Բինալին չասեր «Քուրդիստան» բառը, մեր նկատմամբ պատժի որոշում էր կայացվելու: Ես այդպես հասկացա»:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |