Իրավական13:28, 21 Հունիս 2019
2019թ․ «Մամուլի ազատության ինդեքսում» Թուրքիան 157-րդն է 180 երկրների ցանկում
«Լրագրողներ առանց սահմանների» (RSF) միջազգային իրավապաշտպան կազմակերպությունը հրապարակել է «Մամուլի ազատության ինդեքս» ամենամյա զեկույցը։
Զեկույցում ուշադրություն է հրավիրվել այն փաստի վրա, որ Թուրքիայում ռեկորդային թիվ են կազմում այն տնտեսական լրագրողները, որոնց դեմ դատավարություններ են ընթանում։ Օրինակ, «Ziraat» բանկը բողոք էր ներկայացրել «Yurt» թերթի թղթակից Ջենգիզ Էրդինչի դեմ՝ 2016թ․ մարտի 27-ին հրապարակած «Ֆինանսական սև խոռոչներ» վերնագրով հոդվածի պատճառով։ Լրագրողի դեմ դատական գործ էր հարուցվել՝ «Բանկային գործի մասին» օրենքը խախտելու մեղադրանքով։ Իսկ «Bloomberg»-ի թղթակիցներ Քերիմ Քարաքայաի և Ֆերջան Յալընքըլըչի դեմ քրգործ է հարուցվել տնտեսական ճգնաժամի մասին լուրերի պատճառով. այդ գործերով առաջին լսումները կսկսվեն սեպտեմբեր ամսին։
«Թուրքիայում գրեթե բոլոր թեմաները մամուլի սահմաններից դուրս են, իսկ հատկապես տնտեսական լուրերը միանշանակ շատ ավելի վտանգավոր են», - ասված է զեկույցում։
Ուշագրավ է նաև, որ Թուրքիայում քրեական հետապնդման են ենթարկվում ոչ միայն տնտեսական լուրերի հեղինակները, այլև դրանց որևէ կերպ արձագանքող, տարածող օգտատերերը։ Օրինակ, վերոնշյալ լուրերը մեկնաբանած և «Twitter»-ում տարածած 38 անձի ևս մեղադրանք է առաջադրվել։ Այս անձանց դեմ հարուցված գործով դատական լսումները կմեկնարկեն սեպտեմբերի 20-ին։ Ըստ «Ֆինանսական շուկաների մասին» թուրքական օրենքի՝ մեղադրյալներին մինչև 5 տարի ազատազրկում է սպառնում։
RSF զեկույցի համաձայն՝ 2016թ․ հուլիսի ձախողված հեղաշրջումից հետո Թուրքիայում մամուլի վիճակը հետզհետե ավելի անկայուն է դառնում։ 2019․ «Մամուլի ազատության ինդեքսում» Թուրքիան 180 երկրների ցանկում գրավել է 157-րդ հորիզոնականը։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Թուրքիայի առաջնորդն Իրաքի նախագահ Աբդ Ալ Լատիֆի և Մուհամմեդ Շիա աս-Սուդանիի հետ հանդիպելուց հետո շփումներ կունենա նաև Էրբիլում:
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Նույն օրը Շիշլիի հայկական կաթողիկե գերեզմանատան եկեղեցում ևս կմատուցվի պատարագ և կկատարվի նահատակների հիշատակի ու երախտագիտության աղոթք։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |