Իրավական12:29, 20 Հունիս 2019
Հրանտ Դինքի որդու՝ Արատ Դինքի դեմ 1-5 տարվա ազատազրկման պահանջով դատավարություն է սկսվել
Թուրքիայի հայկական «Ակոս» թերթի նախկին խմբագիր, 2007թ․ սպանված հայ լրագրող և հրապարակախոս Հրանտ Դինքի որդին՝ Արատ Դինքը, կարող է դատապարտվել 1-5 տարվա ազատազրկման։ Արատ Դինքը մեղադրվում է ի պաշտպանություն Թուրքիայում հետապնդվող մտավորականների հրապարակված «Խաղաղության հռչակագրի» տակ ստորագրելու մեջ։ Ըստ մեղադրանքի՝ այս հռչակագիրը հրապարակվել է Թուրքիայում ահաբեկչական խմբավորում համարվող «Քուրդիստանի բանվորական» կուսակցության (PKK) օգտին քարոզչության նպատակով։
Ստամբուլի ծանր հանցագործությունների 36-րդ դատարանում տեղի ունեցած առաջին դատական նիստին ներկա են եղել Արատ Դինքն ու նրա փաստաբանները։ Դինքի փաստաբանները նշել են, որ դատարանը անկախ և անկողմնակալ չէ, գործով վճիռն արդեն նախապես կայացված է, հետևաբար նրանք պահանջել են, որպեսզի գործով դատավորները ինքնաբացարկ հայտարարեն։ Միևնույն ժամանակ փաստաբանները պահանջել են արդարացնել իրենց պաշտպանյալին, իսկ այդ պահանջը մերժվելու դեպքում՝ գործը միացնել նույն մեղադրանքով հարուցված մյուս գործերի հետ։
Դատարանը դատավորների ինքնաբացարկի պահանջը համարել է անհիմն, արդարացման պահանջի մասով սահմանել է, որ միայն դատավարությամբ կարելի է որոշել՝ կատարված գործողությունը հանցակազմ պարունակու՞մ է, թե ոչ։ Իսկ դատական գործերի միավորման պահանջը չի ընդունվել՝ այդ գործերով դատավարությունների՝ տարբեր փուլերում գտնվելու պատճառաբանությամբ։ Այսպիսով, Դինքի փաստաբանների բոլոր միջնորդությունները մերժվել են։ Դատարանը նաև արձանագրել է, որ արդեն ավարտված նմանատիպ գործերով դիմումներ են ներկայացվել Սահմանադրական դատարան, ուստի նպատակահարմար է համարել սպասել մինչև այդ դիմումների վերաբերյալ ՍԴ-ի վճռի հրապարակումը։ Դատական նիստը հետաձգվել է մինչև հոկտեմբերի 9-ը։
Նշենք, որ Ստամբուլի հանրապետական դատախազության կողմից կազմված մեղադրական եզարակացությամբ մեղադրանք է առաջադրվել 1․128 անձի, որոնց թվում՝ Արատ Դինքին՝ 2016թ․ հունվարի 11-ին հրապարակված «Ակադեմիկոսները՝ հանուն խաղաղության» ինչպես նաև «Մենք այս մեղքին հանցակից չենք լինի» անվամբ հայտնի հռչակագրերի տակ ստորագրելու համար: Ըստ մեղադրականի, այդ հռչակագրերում տեղ են գտել ՔԲԿ-ի քարոզչությանն ուղղված արտահայտություններ։
Ուշագրավ է, որ դատախազությունում իր ցուցմունքի ժամանակ Դինքը հայտարարել էր, որ եթե վերոնշյալ հռչակագրի տակ ստորագրելը հանցանք է, ուրեմն իրավապահ մարմինները պետք է նաև իր դեմ իրավական գործընթաց հարուցեն։
«Ես ինքս իմ դեմ բողոք եմ ներկայացնում։ Պահանջում եմ, որ իմ դեմ էլ անհրաժեշտ իրավական գործընթացներ հարուցվեն», - հայտարարել էր նա։
Այս ենթաբաժնի վերջին նորությունները
«Եթե մենք հիմա չճնշենք ֆաշիզմը, պատմությունը կկրկնվի՝ ինչպես 1915թ․ Հայոց ցեղասպանությունը», - հայտարարել էր Օսման Բայդեմիրը։
Թուրքիայի ռազմական ագրեսիան դատապարտող գրառում է արել սոցցանցերի 839 օգտատեր, որից 62-ը եղել է Գերմանիայից, Անգլիայից և Ֆրանսիայից:
ՄԱԿ-ի մարդու իրավունքների պաշտպանության գրասենյակն անդրադարձել է Թուրքիայի կողմից Սիրիայի հյուսիս-արևելքում իրականացվող ռազմական օպերացիային:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Թուրքիայի խորհրդարանի հայ պատգամավոր Կարո Փայլանը խորհրդարան է տեղափոխել Հրանտ Դինք հիմնադրամի կազմակերպած գիտաժողովն արգելելու հարցը:
Քուրդ գեներալ Մազլում Քոբանի. «Մեր ուժերը մնացած տեղերում կշարունակեն պահպանել իրենց ներկայությունը։ Մյուս շրջաններում էլ հրադադար հաստատելու մասին պետք է խոսվի»:
Գազատարի երկրորդ հատվածը, որի կառուցում է նախատեսվում է ավելի ուշ, Բուլղարիայի տարածքով անցնելու է Սերբիա, ապա Հունգարիա:
Նախօրեին թուրքերը և ամերիկացիները պայմանավորվել էին, որ Սիրիայի հյուիս-արևելքում 120 ժամով կրակի դադարեցում կլինի։
Մուստաֆա Աքընջըն ասել էր, որ Թուրքիայի կողմից նախաձեռնած «Խաղաղության ակունք» ռազմական գործողությունից, «ոչ թե ջուր է հոսում, այլ արյուն»։
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |