Թուրքիայի ՊՆ-ը հերքել է նախօրեին Ռուսաստանի ՊՆ-ի տարածած հաղորդագրությունը

Տարածաշրջան12:29, 14 Հունիս 2019

Թուրքիայի ՊՆ-ը հերքել է նախօրեին Ռուսաստանի ՊՆ-ի տարածած հաղորդագրությունը

Թուրքիայի պաշտպանության նախարարությունը հերքել է Ռուսաստանի ՊՆ-ի տարածած այն հաղորդագրությունը, համաձայն որի ռուսական օդուժը Թուրքիայի կողմից տրված կոորդինատների ուղղությամբ ավիահարվածներ է հասցրել Իդլիբի թուրքական դիտակետը հրետակոծած զինյալներին:

Միջանկյալ նշենք, որ հունիսի 13-ին Ռուսաստանի պաշտպանության նախարարությունը հայտարարություն էր արել, որ ռուսական օդուժը 4 անգամ ավիահարված է հասցրել այն զինյալներին, որոնք հունիսի 12-ի գիշերը հրետակոծել էին Իդլիբի թուրքական դիտակետը: Հաղորդագրության մեջ նշվում էր, որ թուրքական բանակը իր զինվորներին պաշտպանելու համար ռուսական զինուժից պահանջել էր օդային հարվածներ հասցնել «Իդլիբի ահաբեկիչների» ուղղությամբ:

Թուրքիայի ՊՆ-ի պաշտոնական հաղորդագրության մեջ մասնավորապես ասվում է.

«Որոշ լրատվամիջոցներում հայտնված տեղեկությունները առ այն, որ ռուսական օդուժը Թուրքիայի պահանջած կոորդինատների ուղղությամբ թուրքական դիտակետը հրետակոծած ահաբեկիչներին ոչնչացրել է, չի համապատասխանում իրականությանը»:

Հիշեցնենք, որ հունիսի 13-ին Թուրքիայի ՊՆ-ը պաշտոնական հաղորդագրություն էր տարածել, որ Սիրիայի կառավարական ուժերն իրենց վերահսկողության տակ գտնվող Աս-Շարիա շրջանից 35 անգամ հրետակոծել են 3 կմ հեռավորության վրա գտնվող Զավիյա լեռան շրջանի թուրքական դիտակետը: Սրա հետևանքով 3 թուրք զինվոր էր վիրավորվել:

Աղբյուր` Gazeteduvar

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: