Ռուսաստանը վնասազերծել է Իդլիբի թուրքական դիտակետը հրետակոծած զինյալներին

Տարածաշրջան13:03, 13 Հունիս 2019

Ռուսաստանը վնասազերծել է Իդլիբի թուրքական դիտակետը հրետակոծած զինյալներին

Ռուսաստանի պաշտպանության նախարարությունը հայտարարություն է արել, որ ռուսական օդուժը 4 անգամ ավիահարված է հասցրել այն զինյալներին, որոնք հունիսի 12-ի գիշերը հրետակոծել էին Իդլիբի թուրքական դիտակետը:

Ռուսական զինուժի հայտարարության համաձայն` թուրքական բանակը իր զինվորներին պաշտպանելու համար ռուսական զինուժից պահանջել է օդային հարվածներ հասցնել «Իդլիբի ահաբեկիչների» ուղղությամբ:

Ռուսաստանի ՊՆ-ի հայտարարության մեջ նշվում է.

«Ռուսաստանի օդուժին պատկանող ինքնաթիռները թուրքական կողմի ցույց տված կոորդինատների ուղղությամբ 4 անգամ ռմբակոծել են: Սրա հետևանքով վնասազերծվել են Դոքմաք և Ջեբել Թավերթ բնակավայրերում խմբավորված զինյալները և թուրքական դիտակետը հրետակոծելու համար կիրառված գնդացիրները»:

Հիշեցնենք, որ հունիսի 13-ին Թուրքիայի ՊՆ-ը պաշտոնական հաղորդագրություն էր տարածել, որ Սիրիայի կառավարական ուժերն իրենց վերահսկողության տակ գտնվող Աս-Շարիա շրջանից 35 անգամ հրետակոծել են 3 կմ հեռավորության վրա գտնվող Զավիյա լեռան շրջանի թուրքական դիտակետը:

Աղբյուր` Diken

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։