Միջազգային13:59, 12 Հունիս 2019
«Խաղաղասիրության համաշխարհային ինդեքսում» Թուրքիան 152-րդ տեղում է
Թուրքիան 3 հորիզոնականով նահանջել է Տնտեսության և խաղաղության ինստիտուտի հրապարակած 2019թ․ «Խաղաղասիրության համաշխարհային ինդեքսում»։
163 երկրների շարքում Թուրքիան այս տարի 152-րդ տեղն է զբաղեցրել։ 2018թ․ ևս այս երկիրը 3 կետով հետընթաց էր ունցել՝ հանգրվանելով 149-րդ հորիզոնականում։
Իսկ Հայաստանն այս տարի 2018թ․ համեմատ 3 հորիզոնականով բարելավել է իր դիրքերը՝ զբաղեցնելով 118-րդ տեղը։
Զեկույցում արձանագրվել է, որ նախորդ տարվա համեմատ Թուրքիայում ահաբեկչության ազդեցությունը նվազել է։ Այնուամենայնիվ, այս երկիրը ահաբեկչության առումով Եվրոպայի մասշտաբով ամենից շատ միավորներն է ստացել։
«Խաղաղասիրության համաշխարհային ինդեքսը» բնութագրում է աշխարհի երկրների խաղաղասիրության աստիճանը, որը չափվում է պետության ներսում բռնության մակարդակով և նրա արտաքին քաղաքականության ագրեսիվության մակարդակով։ Այն ցույց է տալիս, թե որ երկրները կարելի է համարել մարդու կյանքի համար առավել անվտանգ կամ առավել վտանգավոր։
Ցանկի առաջին 25 տեղերից 17-ը զբաղեցրել են եվրոպական երկրները։ Հայտնի է դարձել նաև, որ Եվրոպայի 36 երկրներից 22-ը նախորդ տարվա համեմատ ավելի խաղաղ են դարձել։ Միևնույն ժամանակ արձանագրվել է, որ վերջին 10 տարվա ընթացքում ընդհանուր առմամբ աշխարհն այսօր նվազ խաղաղասեր է․ այս առումով 10 տարվա ընթացքում 3․78 տոկոս հետընթաց է գրանցվել։
Ամենախաղաղասեր երկրների ցանկում առաջին 15 տեղերը զբաղեցրել են Իսլանդիան, Նոր Զելանդիան, Պորտուգալիան, Ավստրիան, Դանիան, Կանադան, Սինգապուրը, Սլովենիան, Ճապոնիան, Չեխիան, Շվեյցարիան, Իռլանդիան, Ավստրալիան, Ֆինլանդիան, Բութանը։ Վերջին 15 հորիզոնականները համապատասխանաբար զբաղեցրել են Հյուսիսային Կորեան, Ուկրաինան, Սուդանը, Թուրքիան, Պակիստանը, Ռուսաստանը, Կոնգոյի Դեմոկրատական Հանրապետությունը, Լիբիան, Կենտրոնաֆրիկյան Հանրապետությունը, Սոմալին, Իրաքը, Եմենը, Հարավային Սուդանը, Սիրիան, Աֆղանստանը։
«Խաղաղասիրության համաշխարհային ինդեքսի» համաձայն՝ 2018թ․ բռնություններն ու բախումները համաշխարհային տնտեսությանը 14․1 տրիլիոն դոլարի վնաս են հասցրել։ Այդ ցուցանիշը հավասար է համաշխարհային ազգային եկամտի 11․2 տոկոսին, այլ կերպ ասած՝ մոլորակի բնակչության յուրաքանչյուր անձին բաժին ընկնող վնասի չափ կազմում է 1853 դոլար։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |