ԱՄՆ-ի ներկայացուցիչների պալատը ընդունել է Թուրքիայի դեմ պատժամիջոցների օրինագիծը (տեսանյութ)

Տարածաշրջան07:22, 11 Հունիս 2019

ԱՄՆ-ի ներկայացուցիչների պալատը ընդունել է Թուրքիայի դեմ պատժամիջոցների օրինագիծը (տեսանյութ)

ԱՄՆ-ի կոնգրեսի ներկայացուցիչների պալատը քվեարկությամբ ընդունել է, Թուրքիայի դեմ պատժամիջոցներ սահմանող օրինագիծ։ Պատժամիջոցներին անցնելու պատճառը Թուրքիայի կողմից ռուսական S-400 զենիթահրթիռային ՀՕՊ համակարգերի գնման գործարքն է։

«Մտահոգություններ ԱՄՆ-Թուրքիա դաշինքի վերաբերյալ» անվամբ օրինագիծն ընդունվել է միաձայն։ Դրանով ամերիկյան իշխանություններին առաջարկվում է CAATSA («Պատժամիջոցների միջոցով Ամերիկայի հակառակորդներին հակազդելու մասին») օրենքի շրջանակներում պատժամիջոցներ կիրառել Թուրքիայի դեմ, եթե Անկարան չհրաժարվի ռուսական ՀՕՊ համակարգերից։ Նույն օրինագծով առաջակվում է նաև վերանայել Թուրքիայի անդամակցությունը ՆԱՏՕ-ին:

Օրինագիծը կազմվել և ներկայացուցիչների պալատ է ներկայացվել հանրապետական և դեմոկրատական սենատորների կողմից:

Թուրքիայի արտգործնախարարությունը դատապարտել է այդ օրինագծի ընդունումը՝ դրան տալով «սպառնալիքների լեզու» որակումը։ Ըստ Թուրքիայի ԱԳՆ-ի՝ հիշյալ օրինագիծը հակասում է թուրք-ամերիկյան «բարեկամական հարաբերություններին»։

Աղբյուր` Diken

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։