Թուրքիայի օդուժը շարունակում է ավիահարվածներ հասցնել քրդերի հենակետերին հյուսիսային Իրաքում

Ռազմական09:00, 10 Հունիս 2019

Թուրքիայի օդուժը շարունակում է ավիահարվածներ հասցնել քրդերի հենակետերին հյուսիսային Իրաքում

Մայիսի 27-ից Թուրքիայի օդուժի կողմից Հյուսիսային Իրաքի Հաքուրք շրջանի ուղղությամբ իրականացվող «Մագիլ» (Pençe) ռազմական գործողությունները շարունակվում են:

Գործողությունների վերաբերյալ պարբերաբար հաղորդագրություններ է տարածում Թուրքիայի պաշտպանության նախարարության Twitter-ի պաշտոնական էջը:

Պաշտոնական հաղորդագրության մեջ նշվում է, որ Թուրքիայում ահաբեկչական համարվող «Քուրդիստանի բանվորական» կուսակցության (PKK-ՔԲԿ) դեմ ուղղված ռազմական օպերացիայի ընթացքում Հյուսիսային Իրաքի Հաքուրք շրջանում Թուրքիայի օդուժը հայտնաբերել և ոչնչացրել է քուրդ զինյալներին պատկանող թաքստոցներ և զինապահեստներ:

Մինչ այդ տարածված պաշտոնական հաղորդագրության մեջ նշվում էր, որ Թուրքիայի ցամաքային և օդային ուժերի կողմից մայիսի 27-ից Հաքուրք շրջանում իրականացվող ռազմական օպերացիայի ընթացքում ընդհանուր հաշվով 43 քուրդ զինյալ էր սպանվել:

Աղբյուր` DHA