Քաղաքական13:59, 07 Հունիս 2019
Վերջին հարցումներն են անցկացվել Ստամբուլի քաղաքապետի ընտրությունների վերաբերյալ
Թուրքիայում հարցումներ են իրականացվել՝ փորձելով պարզել, թե ինչ արդյունքներ են սպասվում հունիսի 23-ին կրկին անցկացվելիք Ստամբուլի քաղաքապետի ընտրություններում։
Ինչպես հայտնի է՝ 2019թ․ մարտի 31-ին Թուրքիայում տեղի էին ունեցել տեղական ինքնակառավարման մարմինների ընտրություններ, որոնց արդյունքում Ստամբուլի քաղաքապետ էր ընտրվել ընդդիմադիր «Ժողովրդահանրապետական» կուսակցության (ԺՀԿ-CHP) թեկնածու Էքրեմ Իմամօղլուն։ Սակայն իշխող «Արդարություն և զարգացում» կուսակցության (ԱԶԿ-AKP) պահանջով միայն Ստամբուլի քաղաքապետի ընտրությունները չեղարկվեցին և նոր ընտրություններ նշանակվեցին։
Ստամբուլի քաղաքապետի պաշտոնի համար մրցակցությունը կրկին Էքրեմ Իմամօղլուի և իշխող կուսակցության թեկնածու Բինալի Յըլդըրըմի միջև է լինելու։ Որոշ հարցումների համաձայն՝ այս պահին Յըլդըրըմը որոշակիորեն առավելություն ունի ընդդիմադիր թեկնածուի նկատմամբ։
Յըլդըրըմի հավանական ընտրողները, ըստ ORC ընկերության անցկացրած հետազոտության, կազմում են 47 տոկոս, ինչը 0․3 տոկոսով ավելի է Իմամօղլուի պոտենցիալ ընտրողների թվից։ Հարցվածների 5․5 տոկոսը հայտնել է, որ դեռ չի կողմնորոշվել։
Մարտի 31-ին անցկացված ընտրություններում Իմամօղլուին ընտրած քաղաքացիների 96․7 տոկոսը հայտնել է, որ իր որոշումը չի փոխել, իսկ 3․3 տոկոսը նշել է, որ դեռ տատանվում է։
Բինալի Յըլդըրըմին ընտրած քաղաքացիների 97․4 տոկոսը ևս պնդել է, որ չի փոխել իր որոշումը, իսկ մյուսները հայտնել են, որ դեռ չեն կողմնորոշվել ընտրության հարցում։
Մյուս կողմից՝ Optimar և MAK հետազոտական ու խորհրդատվական ընկերությունների տվյալներով՝ այս պահին Էքրեմ Իմամօղլուն մի քանի տոկոս առավելություն ունի Յըլդըրըմի նկատմամբ։
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |