Դատվանի քաղաքապետը քրդերեն ցուցանակը հանել է տվել

Տարածաշրջան07:54, 07 Հունիս 2019

Դատվանի քաղաքապետը քրդերեն ցուցանակը հանել է տվել

Վանա լճի հարավարևմտյան հատվածում գտնվող Դատվան քաղաքի քաղաքապետարանի շենքի վրայից անհետացել է քրդերեն «Şaredariya Tetwanê» (Դատվանի քաղաքապետարան) գրությունը։

Քրդերեն ցուցանակը տեղադրվել էր 2015 թվականի ապրիլին։ Թուրքական «Bitlis News» լրատվականի փոխանցմամբ քրդերեն ցուցանակի տեղում այժմ թուրքերեն ցուցանակ է փակցված՝ «Դատվանի քաղաքապետարան պարեկային վարչություն» գրությամբ։

Պարզվում է քրդերեն ցուցանակը հանվել է հենց քաղաքապետի հանձնարարությամբ։ Կառուցվածքային փոփոխությունների հետ կապված մասնաշենքերում բաժանմունքների տեղափոխություններ են իրականացվել, սակայն հանված քրդերեն ցուցանակը այդպես է իր տեղը չի գտել։

Լրատվամիջոցները դիմել են քաղաքապետարան պարզաբանման համար, բայց որևէ պատասխան չեն ստացել։

Հատկանշական է, որ Դատվանում ՏԻՄ ընտրությունների ժամանակ թեժ պայքար էր ընթանում իշխող «Արդարություն և զարգացում» (AKP-ԱԶԿ) և քրդամետ «Ժողովուրդների դեմոկրատական» (HDP-ԺԴԿ) կուսակցությունների միջև։ Քրդամետ ուժը բողոքարկել էր ընտրության արդունքները, սակայն դրան ընթացք չէր տրվել։ Քաղաքապետարանի ավագանու 9 HDP-ական անդամների նկատմամբ քրեական գործ է հարուցված։

Նման իրավիճակում Թուրքիայում որպես առաջին պաշտոնական քրդերեն ցուցանակ համարվող Դատվանի քաղաքապետարանի քրդերեն գրության անհետացումը կարող ենք ասել, որ ամենևին պատահական երևույթ չէ և ևս մեկ անգամ ի ցույց է դնում Թուրքիայում ահագնացող ազգայնական, անհանդուրժողական տրամադրությունները։

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: