Մշակութային13:23, 06 Հունիս 2019
Մալաթիայի հայկական եկեղեցու վերականգնման աշխատանքները դադարեցված են
«Alevinet» լրատվական կայքը «Մեկ առ մեկ ջնջվում են հայ ժողովրդի հետքերը» վերնագիրը կրող հոդվածում անդրադարձել է Մալաթիայում գտնվող Սուրբ Երրորդություն (Թաշհորան) հայկական եկեղեցու նկատմամբ թուրքական իշխանությունների բարձիթողի վերաբերմունքին:
Կայքը գրում է, որ «Ակոս» թերթի հիմնադիր Հրանտ Դինքի ծննդավայր Մալաթիայում գտնվող Սուրբ Երրորդություն հայկական եկեղեցու` 2012թ.սկսված վերականգնման աշխատանքները կիսատ են թողնվել:
Նշվում է, որ եկեղեցին անցել է Մալաթիայի քաղաքապետարանի, Հիմնադրամների գլխավոր վարչության և Անշարժ գույքի ազգային գլխավոր վարչության վերահսկողության տակ: 5 տարի առաջ պատմական շենքին հենել են մետաղական շինարարական սանդուղքներ և կիսատ թողել աշխատանքները:
Հայկական եկեղեցու վերաբերյալ արձանագրությունները ժամանակի ընթացքում ջնջվել են և այդ իսկ պատճառով հայտնի չէ, թե երբ և ում կողմից է այն կառուցվել:
Տարիներ առաջ փլվել է անտարբերության մատնված հայկական եկեղեցու գմբեթը, իսկ եկեղեցին հայտնվել էր գանձագողերի թիրախում և թալանվել:
Եկեղեցու վերականգնման շուրջ լուրերը ուրախացրել էին հայությանը և թաղամասի բնակիչներին:
Թաղամասի բնակիչների փոխանցմամբ` Սբ . Երրորդություն եկեղեցու վերականգմամբ զբաղվող կազմակերպությունը դադարեցրել է աշխատանքները չֆինանսավորվելու պատճառով:
Անդրադառնալով մալաթիահայությանը, ասվում է, որ 1970-ական թթ. Մալաթիայում բազմաթիվ հայեր էին ապրում, սակայն այդ ժամանակաշրջանում տեղի ունեցած հարձակումների և 1980թ. ռազմական հեղաշրջումից հետո վերջին հայ ընտանիքները ստիպված են լինում լքել քաղաքը:
Այս ենթաբաժնի վերջին նորությունները
Պոլսո հայոց պատրիարք Սահակ արքեպիսկոպոս Մաշալյանը նախագահել է Բալըքլըի գերեզմանատան Ս. Սարգիս մատուռի հրապարակում տեղադրված 84-րդ պատրիարքի կիսանդրիի բացումը:
Ներկայացումն առաջին անգամ ֆրանսերենով և թուրքերենով բեմադրվել է 2020-ին կազմակերպված «Ստամբուլի մշակութային և արվեստի հիմնադրամի» թատրոնի փառատոնի շրջանակներում:
Նա խաղացել է «Բարեպաշտություն», «Անհաջողակը», «Փրկություն» և մի շարք այլ ֆիլմերում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |