Հասարակական09:24, 04 Հունիս 2019
Թուրքիայի բնակչության 99․9 տոկոսը աղտոտված օդ է շնչում
ՄԱԿ-ի Գլխավոր ասամբլեայի որոշմամբ հունիսի 5-ն ամեն տարի նշվում է որպես շրջակա միջավայրի համաշխարհային օր։ Թուրքիայում գործող «TEMA» հիմնադրամն այս առթիվ անդրադարձել է շրջակա միջավայրի պահպանման հիմնախնդիրներին։
Հիմնադրամի տնօրենների խորհրդի նախագահ Դենիզ Աթաչի խոսքով՝ այս տարի շրջակա միջավայրի համաշխարհային օրը ՄԱԿ-ի օրակարգում կլինի օդի աղտոտվածության հարցը։
Ուսումնասիրությունները վկայում են, որ օդի աղտոտվածությունը լուրջ խնդիր է նաև Թուրքիայի համար։ 2018թ․ 2․595 մարդու մասնակցությամբ Թուրքիայում անցկացված հարցումների ընթացքում հարցվածների 68 տոկոսը պնդել է, որ իր բնակության վայրում օդն ավելի է աղտոտվել՝ այդ հանգամանքը համարելով շրջակա միջավայրի ամենամեծ հիմնախնդիրներից մեկը։
«Առողջապահության համաշխարհային կազմակերպության» չափանիշների հիման վրա կատարված մեկ այլ ուսումնասիրության համաձայն՝ Թուրքիայի բնակչության 99․9 տոկոսը աղտոտված օդ է շնչում։ Թուրքիայի նահանգներից ամենաաղտոտված օդ ունեն Քահրամանմարաշը, Մանիսան և Մուղլան, իսկ ամենից մաքուր է Արդահանի օդը։
2019թ․ մայիսին հրապարակված «Օդի աղտոտվածությունն ու առողջապահական խնդիրները» վերնագրով զեկույցի համաձայն՝ 2017թ․ Թուրքիայում գրանցված մահվան դեպքերի 13 տոկոսի պատճառը եղել է օդի աղտոտվածությունը։
Չնայած դրան՝ Թուրքիայում օրենքով որևէ կերպ սահմանված չէ օդի որակի վրա ազդող հիմանական գործոններից մեկի՝ PM2.5 մասնիկների (Particulate Matter) թույլատրելի չափաքանակի հարցը։ Մինչդեռ «Առողջապահության համաշխարհային կազմակերպությունը» համոզված է, որ եթե օդում այդ մասնիկների առավելագույն սահմանաչափը չխախտվի, ապա հնարավոր կլինի կանխել աշխարհի բնակչության յուրաքանչյուր տարիքային խմբում տարեկան 2․1 մլն մարդու վաղաժամ մահը։
Այս ենթաբաժնի վերջին նորությունները
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Երկրորդ տեղում Իրանի քաղաքացիներն են, որոնք գնել են 182 տեսակի անշարժ գույք։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց Ցեղասպանության մասին։
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Նույն օրը Շիշլիի հայկական կաթողիկե գերեզմանատան եկեղեցում ևս կմատուցվի պատարագ և կկատարվի նահատակների հիշատակի ու երախտագիտության աղոթք։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |