Facebook-ը Թուրքիային խոշոր տուգանք է վճարել

Իրավական11:14, 03 Հունիս 2019

Facebook-ը Թուրքիային խոշոր տուգանք է վճարել

«Facebook» հանրահայտ սոցիալական կայքը Թուրքիային 1 մլն 650․000 թուրքական լիրա (շուրջ 281.000 ԱՄՆ դոլար) տուգանք է վճարել։ Տուգանքը մայիսի 10-ին նշանակել էր Թուրքիայի «Անձնական տվյալների պաշտպանության վարչությունը» (KVKK)՝ օգտատերերի անձնական տվյալների գաղտնիության խախտման մեղադրանքով։

Որոշման համաձայն՝ «Facebook»-ը ընդհանուր առմամբ խախտել է շուրջ 6․5 մլն օգտատիրոջ իրավունքները, որոնցից մոտ 300․000-ը Թուրքիայից են։

Թուրքիայում «Facebook»-ի հանրային քաղաքականության հարցերով տնօրեն Չաղաթայ Փեքյորուրը տեղեկացրել է, որ տուգանքն արդեն վճարվել է, սակայն ընկերությունը պատրաստվում է բողոքարկել որոշումն ու հետ պահանջել վճարված գումարը։ Նրա խոսքով՝ «Facebook»-ը համաձայն չէ թուրքական վարչության որոշման հետ, իսկ տուգանքը վճարվել է միայն այն պատճառով, որ այդպես է պահանջում ընթացակարգը։ Տուգանքը վճարելու հանգամանքը որևէ կերպ չի ազդում որոշման բողոքարկման իրավունքի վրա։

Աղբյուր` aydinlik.com.tr

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։