Էրդողանի և Իրաքյան Քուրդիստանի նոր նախագահի միջև հեռախոսազրույց է կայացել

Տարածաշրջան12:53, 31 Մայիս 2019

Էրդողանի և Իրաքյան Քուրդիստանի նոր նախագահի միջև հեռախոսազրույց է կայացել

Թուրքիայի նախագահ Ռեջեփ Թայիփ Էրդողանի և Հյուսիսային Իրաքի քրդական ինքնավար շրջանի նորընտիր նախագահ Նեչիրվան Բարզանիի միջև հեռախոսազրույց է կայացել։

Այդ մասին հայտնի է դարձել Թուրքիայի նախագահականի տեղեկատվության վարչության գրառումից Twitter-ում։

Էրդողանը Բարզանիին շնորհավորել է Հյուսիսային Իրաքի քրդական ինքնավար շրջանի նախագահ ընտրվելու կապակցությամբ։

Մայիսի 29-ին խորհրդարանում կայացած քվեարկության արդյունքում Իրաքյան Քուրդիստանի նախագահ էր ընտրվել Նեչիրվան Բարզանին: Նա ներկայացնում է «Քուրդիստանի դեմոկրատական կուսակցությունը»։ Խորհրդարանի 111 պատգամավորից 68-ը կողմ են քվեարկել Բարզանիի թեկնածությանը։

Մինչ նախագահ ընտրվելը, Նեչիրվան Բարզանին զբաղեցնում էր Իրաքյան Քուրդիստանի վարչապետի պաշտոնը՝ միաժամանակ կատարելով նաև նախագահի պարտականությունները, քանի որ Մասութ Բարզանին հրաժարական էր տվել։

Հիշեցնենք, որ 2017թ. սեպտեմբերի 25-ին Իրաքյան Քուրդիստանում անցկացվեց անկախության հանրաքվե։ Ի պատասխան հանրաքվեին՝ Իրաքի բանակը ռազմական գործողությունների անցավ, որի հետևանքով Իրաքի քրդերը կորցրեցին նավթային պաշարներով հարուստ Քիրքուք շրջանը։ Թուրքիան, ինչպես նաև Իրանը չէին ճանաչել այդ հանրաքվեն

Այնուհետև հոկտեմբերի 25-ին քրդերը հայտարարություն տարածեցին հիշյալ հանրաքվեն չեղարկելու մասին, իսկ գործող նախագահ Մեսութ Բարզանին հրաժարական տվեց։ Այդ ժամանակվանից ի վեր նախագահի պաշտոնը թափուր էր:

Աղբյուր` Demiroren

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: