Իրավական13:54, 21 Մայիս 2019
Պոլսո հայոց պատրիարքի ընտրության հարցը կքննվի Թուրքիայի Սահմանադրական դատարանում
Մայիսի 22-ին Թուրքիայի Սահմանադրական դատարանը կքննի Պոլսո հայոց պատրիարքի՝ ավելի քան մեկ տասնամյակ չիրականացող ընտրությունների հարցը։
Ինչպես հայտնի է, Պոլսո հայոց պատրիարք Մեսրոպ Մութաֆյանը ծանր հիվանդության պատճառով 2008թ․-ից ի վիճակի չէր պաշտոնավարել։ Այդ պատճառով մեկնարկել էր Մութաֆյանին փոխարինող պատրիարքի ընտրության գործընթացը։ Սակայն 2010թ․ թուրքական պետությունը հայտարարեց, որ քանի որ պատրիարքը փաստացիորեն դեռ ողջ է, ապա նոր պատրիարքի ընտրություններ չեն կարող անցկացվել և կարող է միայն պատրիարքի փոխանորդ ընտրվել։
Թեև ավելի վաղ նման պաշտոն գոյություն չէր ունեցել, այնուամենայնիվ, շուտով կայացան փոխանորդի ընտրությունները։ Բավական խնդրահարույց ընտրությունների արդյունքում այդ պաշտոնում ընտրվեց Արամ արքեպիսկոպոս Աթեշյանը։
Երկարատև տարաձայնություններից հետո անցկացվեցին փոխանորդի նոր ընտրություններ, որոնցում Աթեշյանը պարտություն կրեց։ Սակայն Ստամբուլի նահանգապետարանը անմիջապես հայտարարեց, թե իրավական տեսակետից այդ ընտրությունները վավեր չեն։
2019թ․ մարտի 8-ին Մեսրոպ Մութաֆյանը վախճանվեց, ինչը իրավական տեսանկյունից լիովին հնարավոր դարձրեց նոր պատրիարքի ընտրությունները։ Սակայն նախորդող 11-ամյա ժամանակահատվածում պատրիարքի ընտրությունների հետ կապված մի շարք դատական որոշումներ են կայացվել, որոնք բողոքարկվել են «կրոնի և խղճի ազատության ոտնահարման» հիմնավորմամբ։
Մայիսի 22-ի դատական նիստում Սահմանադրական դատարանը կքննի հենց այդ որոշումների արդարացիությունն ու դրանց դեմ ներկայացված բողոքը։
Այս ենթաբաժնի վերջին նորությունները
Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |