Մշակութային09:51, 15 Մայիս 2019
Արդվինի հայկական եկեղեցու կողքին գյուղապետը զուգարանի շինարարություն է նախաձեռնել (լուսանկարներ)
Լրագրող և գրող Օրհան Յավուզը ardvinden.com կայքում ահազանգում է Արդվինի հայկական եկեղեցու պղծման մասին։
«2019թ․ մայիսի 12-ին մի ընկեր ինձ զանգահարեց ու տեղեկացրեց, որ Արդվինի կենտրոնական Համամլը (Դոլիսխան) գյուղում գտնվող 9-րդ դարի եկեղեցու շենքի հարևանությամբ հանրային զուգարանի շինարարություն է նախապատրաստվում:
Նա խնդրեց, որ հետաքրքրվենք, թե ճիշտ են արդյոք այդ լուրերը։ Նա ուղարկեց նաև իր ստացած լուսանկարները, որտեղ երևում է, որ շինարարության նպատակով եկեղեցու ներսում 20-30 պարկ ցեմենտ, երկու հատ զուգարանակոնք է բերվել, շենքի մուտքի դռան ձախ կողմում քանդված սալահատակ է շարված, ինչպես նաև կոյուղու համար երկու հատ խողովակ է բերվել», պատմել է Յավուզը։
Նրա խոսքով՝ ինքը սկզբում չի հավատացել, թե եկեղեցու տարածքում զուգարան կառուցելու նախաձեռնությունը համապատասպանում է իրականությանը։ Կարծել է, թե լուրերը չափազանցված են, իսկ եկեղեցում հայտնաբերված շինանյութերը, ենթադրել է, թե մեկ այլ վայրում օգտագործվելու համար են: Ճշգրիտ տեղեկություն ստանալու նպատակով Յավուզը զանգահարել է Արդվինի իր ընկերներին և խնդրել ստուգել այդ լուրերը՝ կարծելով, որ դրանք կարող են տարբեր միջկրոնական գժտություն հրահրելու նպատակով արված սադրանք լինել։
«Բայց, ցավոք, տարածքում կատարված ուսումնասիրությունները հերքեցին իմ բոլոր լավատեսական ենթադրությունները։ Ստացված տեղեկության համաձայն՝ Համամլը գյուղի գյուղապետը որոշել է եկեղեցու հարևանությամբ զուգարան կառուցել, այդ նպատակով, ինչպես երևում է լուսանկարներում, շինության մուտքի ձախ կողմում հատակին աղյուսներ շարել տվել։ Գյուղապետը հրաժարվել է հանդիպել գյուղ եկած Զբոսաշրջության և մշակույթի նահանգային վարչության տնօրենին և ժանդարմին», - գրում է հեղինակը։
Նշված եկեղեցին մշակույթի նաախարարության կողմից ճանաչվել է որպես հատուկ պահպանման ենթակա մշակութային արժեք։ Յավուզը կոչ է արել խստորեն դատապարտել շուրջ 1100-ամյա եկեղեցու տարածքում նման պիղծ և անարգող կառուցապատման նախաձեռնությունը։
Այս ենթաբաժնի վերջին նորությունները
Պոլսո հայոց պատրիարք Սահակ արքեպիսկոպոս Մաշալյանը նախագահել է Բալըքլըի գերեզմանատան Ս. Սարգիս մատուռի հրապարակում տեղադրված 84-րդ պատրիարքի կիսանդրիի բացումը:
Ներկայացումն առաջին անգամ ֆրանսերենով և թուրքերենով բեմադրվել է 2020-ին կազմակերպված «Ստամբուլի մշակութային և արվեստի հիմնադրամի» թատրոնի փառատոնի շրջանակներում:
Նա խաղացել է «Բարեպաշտություն», «Անհաջողակը», «Փրկություն» և մի շարք այլ ֆիլմերում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |