Մշակութային09:51, 15 Մայիս 2019
Արդվինի հայկական եկեղեցու կողքին գյուղապետը զուգարանի շինարարություն է նախաձեռնել (լուսանկարներ)
Լրագրող և գրող Օրհան Յավուզը ardvinden.com կայքում ահազանգում է Արդվինի հայկական եկեղեցու պղծման մասին։
«2019թ․ մայիսի 12-ին մի ընկեր ինձ զանգահարեց ու տեղեկացրեց, որ Արդվինի կենտրոնական Համամլը (Դոլիսխան) գյուղում գտնվող 9-րդ դարի եկեղեցու շենքի հարևանությամբ հանրային զուգարանի շինարարություն է նախապատրաստվում:
Նա խնդրեց, որ հետաքրքրվենք, թե ճիշտ են արդյոք այդ լուրերը։ Նա ուղարկեց նաև իր ստացած լուսանկարները, որտեղ երևում է, որ շինարարության նպատակով եկեղեցու ներսում 20-30 պարկ ցեմենտ, երկու հատ զուգարանակոնք է բերվել, շենքի մուտքի դռան ձախ կողմում քանդված սալահատակ է շարված, ինչպես նաև կոյուղու համար երկու հատ խողովակ է բերվել», պատմել է Յավուզը։
Նրա խոսքով՝ ինքը սկզբում չի հավատացել, թե եկեղեցու տարածքում զուգարան կառուցելու նախաձեռնությունը համապատասպանում է իրականությանը։ Կարծել է, թե լուրերը չափազանցված են, իսկ եկեղեցում հայտնաբերված շինանյութերը, ենթադրել է, թե մեկ այլ վայրում օգտագործվելու համար են: Ճշգրիտ տեղեկություն ստանալու նպատակով Յավուզը զանգահարել է Արդվինի իր ընկերներին և խնդրել ստուգել այդ լուրերը՝ կարծելով, որ դրանք կարող են տարբեր միջկրոնական գժտություն հրահրելու նպատակով արված սադրանք լինել։
«Բայց, ցավոք, տարածքում կատարված ուսումնասիրությունները հերքեցին իմ բոլոր լավատեսական ենթադրությունները։ Ստացված տեղեկության համաձայն՝ Համամլը գյուղի գյուղապետը որոշել է եկեղեցու հարևանությամբ զուգարան կառուցել, այդ նպատակով, ինչպես երևում է լուսանկարներում, շինության մուտքի ձախ կողմում հատակին աղյուսներ շարել տվել։ Գյուղապետը հրաժարվել է հանդիպել գյուղ եկած Զբոսաշրջության և մշակույթի նահանգային վարչության տնօրենին և ժանդարմին», - գրում է հեղինակը։
Նշված եկեղեցին մշակույթի նաախարարության կողմից ճանաչվել է որպես հատուկ պահպանման ենթակա մշակութային արժեք։ Յավուզը կոչ է արել խստորեն դատապարտել շուրջ 1100-ամյա եկեղեցու տարածքում նման պիղծ և անարգող կառուցապատման նախաձեռնությունը։
Այս ենթաբաժնի վերջին նորությունները
Իսկ 2019թ․ փետրվարին նույն եկեղեցու պատերի վրա ներկանյութերով ատելություն քարոզող գրառումներ էին արվել:
«Զաբելն այն բազմաթիվ հայ մտավորականներից է, որոնց անունները չեն բարձրաձայնվում՝ չնայած ժամանակակից Թուրքիայի բոլոր ոլորտներում ունեցած նրանց անգնահատելի ավանդին»,- գրում է հոդվածի հեղինակը։
Ժողովածուն Օհաննես Շաշկալի թարգմանությամբ հրատարակվել է Ստամբուլի հայկական «Արաս» հրատարակչության կողմից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ատելության հողի վրա իրականացված հարձակման պահը ֆիքսել են եկեղեցու տեսախցիկները։
Շաբաթներ առաջ էլ մի քաղաքացի փորձել էր հրկիզել Ստամբուլ քաղաքի Բաքըրքյոյ շրջանի Զեյթինլիք թաղամասում գտնվող հայկական Ծնունդ Սբ. Աստվածածնի եկեղեցու դուռը։
Օրեր առաջ անհայտ անձը վայրագորեն պոկել ու մայթին էր նետել եկեղեցու մուտքի դարպասների վրա տեղադրված խաչը։
«Որևե նախագահ չպետք է լուռ մնա այն ժամանակ, երբ ատելության հողի վրա հարձակումներ են տեղի ունենում սրբավայրերի վրա»։
Մահացությունների թիվն ավելացել է 30-ով՝ կազմելով 4․461։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |