Ռազմական09:46, 14 Մայիս 2019
Թուրքիայում առաջին տեղական ուղղաթիռի շարժիչներն են արտադրել
Թուրքիայի օդուժի կարիքները բավարարելու համար թուրքական ավիացիոն և տիեզերական արդյունաբերության շարժիչաշինական ընկերությունը (TEI) ուղղաթիռային շարժիչներ է արտադրել:
Դրանք տեղադրվելու են Թուրքիայում ամբողջությամբ տեղական միջոցներով արտադրվող ամերիկյան «Sikorsky 109 BlackHawk»-ի թուրքական մոդելի «Kara şahin» (Սև բազե) բազմաֆունկցիոնալ ուղղաթիռների վրա: «T700-TEI-701D» անունը ստացած 2000 ձիաուժ հզորությամբ շարժիչները կարող են տեղադրվել նաև թուրք-իտալական համատեղ արտադրության «Atak» հարվածային ուղղաթիռների վրա:
Արտադրված շարժիչների հանձնման համար կազմակերպված միջոցառմանը մասնակցել է նաև Թուրքիայի պաշտպանական արդյունաբերության ղեկավար Իսմաիլ Դեմիրը: Վերջինս նշել է, որ նմանատիպ նախագծեր իրականացնելու համար սովորաբար երկար ժամանակ է պահանջվում՝ հորդորելով արագացնել աշխատանքները:
Թուրքիայի ավիացիոն և տիեզերական արդյունաբերության շարժիչաշինական ընկերությունը (TEI) ղեկավար Մահմութ Ֆարուք Աքշիթն էլ տեղեկացրել է, որ պատրաստվում են ընդհանուր առմամբ արտադրել Kara şahin» (Սև բազե) բազմանպատակային ուղղաթիռների 236 շարժիչ:
«Մեր բանակի կարիքների համար Թուրքիայում տեղական միջոցներով Sikorsky ուղղաթիռների արտադրությունը 3,2 մլրդ դոլարանոց հսկայան նախագիծ է, որի շրջանակներում ուղղաթիռների համար տեղական շարժիչներ արտադրելն ընկած է մեզ վրա: Ուղղաթիռի արտադրությունը իրականացնում է Թուրքիայի ավիացիոն և տիեզերական արդյունաբերությունը: Ուղղաթիռների ողջ էլեկտրատեխնիկան արտադրում է «ASELSAN»-ը (Թուրքական պետական խոշորագույն ռազմաարդյունաբերական ընկերությունը-խմբ.): 3 խոշոր գործակիցներով կիրականացնենք տեղական «Սև բազե»- թռիչքը: 20 տարվա ընթացքում 236 այդպիսի շարժիչ է արտադրվելու ու փոխանցվելու բանակին»,- ասել է Աքշիթը:
Վերջինս նշել է նաև, որ թուրքական արտադրության առաջին ուղղաթիռի շարժիչները բանակին փոխանցվելուց հետո իրենց կողմից 30 տարի տեխնիկապես կսպասարկվեն:
Այս ենթաբաժնի վերջին նորությունները
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Զուգահեռաբար Թուրքիան շարունակում է հետաքրքրված մնալ եվրոպական «Eurofighter Typhoon» կործանիչների ձեռքբերմամբ:
Պաշտոնյայի խոսքով՝ Թուրքիան Իրաքում ծրագրում է «ոչնչացնել» PKK-ի անդամներին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահն ամերիկացի գործընկերոջ հետ քննարկելու է Պաղեստինի Գազայի հատվածում տիրող իրավիճակը և մի շարք այլ երկկողմ հետաքրքրություն ներկայացնող հարցեր:
Թուրքիայի էներգետիկայի և բնական պաշարների նախարարը նշել է, որ Չինաստանը և Հարավային Կորեան ցանկանում են ներդրումներ անել Թուրքիայի միջուկային շուկայում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |