Քեթի Փիրի․ «Էրդողանը չի ընդունում պարտությունը և շարունակում է դեմ դուրս գալ ժողովրդի կամքին»

Միջազգային09:46, 07 Մայիս 2019

Քեթի Փիրի․ «Էրդողանը չի ընդունում պարտությունը և շարունակում է դեմ դուրս գալ ժողովրդի կամքին»

Եվրախորհրդարանի՝ (ԵԽ) Թուրքիայի հարցերով զեկուցող Քեթի Փիրին քննադատել է Ստամբուլի քաղաքապետի ընտրությունների չեղարկման որոշումը։

ԵԽ հոլանդացի պատգամավորը Թուրքիայի կենտրոնական ընտրական հանձնաժողովի (ԿԸՀ) վերոնշյալ որոշման վերաբերյալ Twitter-ում հետևյալ գրառումն է կատարել․

«Էրդողանը չի ընդունում պարտությունը և շարունակում է դեմ դուրս գալ ժողովրդի կամքին։ «Արդարություն և զարգացում կուսակցությունը» Ստամբուլում նոր ընտրություններ անցկացնելու համար ճնշում գործադրեց Կենտրոնական ընտրական հանձնաժողովի վրա։ ԿԸՀ-ի որոշումը ոչնչացնում է այն վստահությունը, թե Թուրքիայում կարող է ընտրությունների միջոցով իշխանափոխություն տեղի ունենալ»։

Իսկ Եվրոպայի խորհրդի գլխավոր քարտուղար Թյորբյորն Յագլանդը հայտարարել է, որ մարտի 31-ին կայացած Ստամբուլի քաղաքապետի ընտրությունների արդյունքների չեղարկումը լրջորեն կարող է խաթարել ընտրողների վստահությունը։ Յագլանդի խոսնակ Դանիել Հոլթգենի կողմից տարածված հայտարարության մեջ ասված է․ «Ազատ և արդար ընտրությունների համար անհրաժեշտ պայմանները պետք է ապահովել ընտրություններից առաջ, այլ ոչ թե ընտրություններից հետո»։

Աղբյուր` t24.com.tr

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: