ERMENI HABER AJANSI

Թուրքիայում գլխավոր ընդդիմադիր ուժ համարվող «Ժողովրդահանրապետական կուսակցության» (ԺՀԿ/CHP) մամուլի խոսնակ Ֆաիք Օզթրաքը դատապարտել է Կենտրոնական ընտրական հանձնաժողովի (ԿՀԸ) ընդունած որոշումը:

Նշենք, որ մայիսի 6-ին Թուրքիայի ԿԸՀ-ն որոշում է կայացրել չեղյալ հայտարարել Ստամբուլի ընտրությունները և նոր ընտրությունների անցկացումը նշանակել հունիսի 23-ին:

Ընդդիմադիր կուսակցության մամուլի խոսնակը հայտարարել է, որ մայիսի 7-ին CHP-ի բոլոր պատգամավորները հանդիպելու են և քննարկելու են իրենց միջոցառումների ծրագիրը: Օզթրաքի խոսքով` իրենք թույլ չեն տալու ընդդիմանալ ժողովրդի կամքին:

«ԿԸՀ-ի որոշմամբ անտեսվել է ընտրողի կամքը: Այս կեղտոտ խաղը հաստատվել է մի ավազակախմբի կողմից, որոնք ԿԸՀ-ի ներսում հրամաններով են շարժվում: Այս որոշմամբ ընդդիմացել են ժողովրդավարության վերջին լեգիտիմ ամրոցին` քվեատուփին»,- ասել է նա:

Նրա խոսքով` ԿԸՀ-ն չի կարողացել դիամանալ իշխանությունների ճնշումներին և սպառնալիքներին ու ջուրն է գցել իր նախորդ որոշումները:

«ԿԸՀ-ն ժխտել է  իր գոյության պատճառը: ԿԸՀ-ն գլխիվայր շրջվել է այն կրիտիկական հանգույցում, որտեղ մեր ժողովրդավարությունն է»,-հայտնել է նա:

Նրա համոզմամբ` բոլորն օրենքի առաջ պատասխան են տալու այդ ամոթալի օրը Թուրքիային պատճառելու համար: 

Հիշեցնենք, որ մարտի 31-ին Թուրքիայում կայացած ՏԻՄ ընտրություններում երկրի խոշոր քաղաքներում, այդ թվում՝ Ստամբուլում հաղթել էր ընդդիմադիր «Ժողովրդահանրապետական կուսակցությունը> (ԺՀԿ-CHP)։ Ստամբուլում պարտված իշխող «Արդարություն և զարգացում կուսակցությունը» (AKP-ԱԶԿ) քաղաքի տարբեր շրջանների արդյունքները բողոքարկելուց հետո ԲԸԿ էր ներկայացրել քաղաքապետի ընտրությունչ չեղարկելու և նոր ընտրություն անցկացվելու պահանջով դիմումը: Ինչից օրեր անց ԲԸԿ-ն որոշում կայացրեց չեղյալ հայտարարել ընտրությունների արդյունքները՝ չեղյալ հայտարարելով 16000 ձայնի առավելությամբ քաղաքապետ ընտրված ընդդիմադիր ԺՀԿ-ի թեկնածու Էքրեմ Իմամօղլուի մանդատը: Թուրքիայի խոշորագույն քաղաքի քաղաքապետի նոր ընտրությունների օր է նաշանակվել հունիսի 23-ը: